64MP Quad Camera Ke Saath August 8 Ko Launch Hoga Realme Ka Phone

June 2019 mein Realme ke 64MP camera phone ke samples saamne aaye the aur iske baad kuch aur companies ke 64MP camera ke saath phone launch hone ki baat saamne aayi. Lekin Realme ne aaj officially confirm kar diya hai ki August 8 ko company ek launch event host karne jaa rahi hai, jismein 64MP quad camera ke saath aane wala smartphone India mein reveal kiya jayega.

Realme, Oppo ka sub-brand hai jisne kaafi kam samay mein globally top 10 OEMs mein apni jagah bana li hai. Haal hi mein company ne pop-up camera ke saat apna first phone Realme X India mein launch kiya aur saath hi Snapdragon 855 Plus chipset ke saath bhi ek phone laane ka hint diya hai.

Itne ke baad bhi company bahut tezi se aage badh rahi hai aur aaj Realme ne 64MP Quad camera phone ke launch ka official teaser reveal kiya hai. Ye 64MP ke saath aane waala world ka first smartphone hoga, jo ki India mein August 8 ko introduce kiya jayega. Basically is smartphone ke through company is naye camera innovation ko introduce karna chahti hai aur isiliye is event ka naam bhi ‘Realme Camera Innovation Event’ hai.

Is khabar ko lekar, almost one month pehle hi Realme CEO Madhav Seth ne ek tweet kiya tha, jismein likha tha ki wo jaldi hi 64MP GW1 sensor ke saath smartphone launch karenge. Ye GW1 sensor, Samsung dwara haal hi mein launch kiya gaya hai aur 48MP camera sensor mein aane waali pixel binning technology ki tarah hi kaam karta hai.

64MP Samsung GW1 sensor ke through li gayi images mein four pixels ko one mein combine karke, 16MP ki sharper aur more detailed images milti hain.

Well, iske alawa Samsung khud aur Xiaomi bhi jaldi hi is sensor ke saath 64MP camera phone launch kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: