64MP Qaud Camera Setup Ke Saath Next Week India Mein Entry Lenge Redmi Note 8 Aur Note 8 Pro

Aaj Xiaomi ne India mein Redmi 8 smartphone ko launch kar diya hai. Iss phone ke launch ke saath hi company ne yeh bhi announce kar diya hai ki 16th October ko company Redmi Note 8 Pro ke saath Redmi Note 8 ko bhi launch karegi.

Aapko bata dein ki Redmi Note 8 Pro China mein August month mein already launch kiya jaa chuka hai. Iss phone mein aapko quad camera setup diya gaya hai, jismein primary camera 64MP ka milta hai. Yeh world ka first smartphone hain jismein latest launch ki gayi MediaTek Helio G90T chipset ka use kiya gaya hai. Iske alawa yeh apni price segment mein aane wala first phone hai jismein liquid cooling  technology ka use kiya gaya hai, yeh technology aapke phone ke temperature ko 4-6 degree tak kam karne mein help karti hai.

Iske alawa phone mein Dual Conversion Gain (DCG) technology ka bhi use kiya gaya hai, jo iss se pehle humein Xiaomi Redmi K20 Pro mein bhi dekhne ko mili thi. Yeh technology aapke camera ke ISO ko intelligently jarurat ke according adjust kar deti hai. Redmi Note 8 Pro 6.53-inch full HD+ LCD Display di gayi hai jo ki Corning Gorilla 5 protection ke saath aati hai.

Phone mein milne wala 64MP camera Samsung GW1 sensor ke saath aata hai. Secondary camera 8MP ka aur baaki ke do cameras 2MP lens ke saath aate hain. Phone mein front facing camera 20MP ka diya gaya hai. China mein yeh phone CNY 1399 (~Rs 14,000) ki starting price par launch kiya gaya hai. Iske alawa Redmi Note 8 ko China mein CNY 999 (~Rs 9,945) ki price par launch kiya gaya hai. Ummid ki jaa rahi hai ki India mein bhi yeh phone affordable price par hi launch kiye jaayenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: