Ye Hain India Ke Wo Tourist Places, Jahaan Jaane Se Pehle 100 Baar Sochte Hain Tourist

Incredible India ! Doston aaj ka article tech ke baare mein nahin, balki apne hi desh ke baare mein hai. Kashmir se Kanyakumari tak aur Bengal se Gujarat tak, yahaan dekhne ko bahut kuch hai. Wo kehte hain na ! Agar dharti par kahin swarg hai, to yahin hai. Kashmir ki waadiyaan, Kerala ke Boat House aur Ladakh ki barf se bhari sundar jagahon ke baare mein to aap sun hi chuke honge. Lekin kya aap jaante hain ki India mein aisi kayi jagah hai, jo tourists ko attract to karti hain, lekin wahaan tak pahunch paane ka safar kaafi mushkil bhara hota hai.

Well, aaiye waadiyon se nikal kar zara aapko un jagahon ki sair karwaate hain, jahaan jaane se pehle log 100 baar sochte hain.

Bhangarh Fort

 

Haunted stories sunna aur haunted area ko visit karna dono bahot hi alag anubhav hai . Waise to India ke andar kafi haunted jagah hai jin mein se kuch ke baare mein sirf rumors hai aur kuch waakai mein haunted hain. Unhin me se ek Bhangarh Fort hai.  Yaha ki rajkumari ki maut ki wajah se yah jagah haunted hai, aisa sources ki according btaya jaata hai.  Sarika Tiger Reserve , Alwar , Rajasthan mein 17th century mein bana yah fort India ka most haunted place kaha jata hai. Archeological Survey of India ne yaha tourist ke jaane par rok laga di hai.

Chadar Trek

Ladakh ke Zenskar region mein base yah jagah frozen river ke liye famous hai. Chadar Trek pahuchne ke liye apko frozen river ko cross karna padega jo ki apne aap mein sabse bada task ban jata hai . Frozen river poori tarah se ice se bani huyi hai jo upar se tough hai or neeche se paani bhari huyi hai .Chadar Trek tak pahuchne ke liye apko yaha ki choto choti caves se ho ke gujarna padta hai.

Yaha ke adventure ko feel karne ke liye best visit time December to February hai . Chadar Trek poori tarah se stone mountains se ghira hua hai. Yah trek Himalaya ke region me aata hai. Saal ke jyadatar mahino mein yaha ka taapmaan minus mein hi bana rahta hai .

Dras Valley

Dras Valley ko ‘ The Gateway of Ladakh’ bhi kaha jata hai . Natural beauty ke liye famous iss jagah ko world ka coldest inhabited place bhi kaha jata hai. India –Pakistan ke kargil war ke time iss jagah ko poori tarah se pahchaan mili thi . Dras valley poori tarah se brown mountains se cover hai. Inn ki mountains ki height 16000 se 21000 feet tak hai . Summer season mein iss Dras Valley ki green beauty dekhne laayak hoti hai.

Khardung la Pass

18380 ft ki height par bani yah jagah kisi jannat se kam nhi hai lekin jitni sundar yah dekhne mein hai utni hi dangerous bhi hai. Yahaan ki road world ki highest motorable road hai, jis ki wajah se yaha par kisi bhi vehicle ko chalana apne aap mein ek challenge hai . Issi wajah se yah bikers ki favorite jagahon mein se ek hai. June ke mahine mein bhi yah jagah snow se poori tarah cover rahti hai. Yaha ki roads poori tarah Indian army ki surveillance mein rahti hai kyun ki yaha aaye din land slide hoti rahti hai.

Stok Kangri Trek

Trekking ke liye famous yah area Ladakh ka hi ek part hai. Stok Kangri Trek highest peak mountain hai. New trek lovers ka yah ek favorite place banta jaa raha hai . 20,000 ft ki height ke iss trek ke liye apko dare aur patience dono ki hi jarurat padti hai . Itne high point par jaane par breathing ki problem hona bahot hi aam baat hai isliye agar apko kisi bhi tarah ki breathing problem hai to apko yah jahag ko avoid karna chahiye. IMF ( Indian Mountaineering Foundation ) ke dwara iss jagah ko best trekking place bhi declare kar diya gaya hai .

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: