5 Things To Know About OnePlus 6T McLaren Edition: India Price, Specs And More

OnePlus ne aaj apne OnePlus 6T ka special edition India mein launch kiya hai. Is smartphone ki charcha kaafi samay se chal rahi thi aur finally ise aaj India mein laaya gaya hai, jise naam diya hai – OnePlus 6T McLaren Edition. McLaren ek leading auto manufacturer hai, jiske saath OnePlus ne apni partnership last month hi announce ki thi.

Aaiye jaante hain, OnePlus 6T McLaren Edition ki kuch khaas baatein.

  • 30 watt Warp Charge 30 – Ye OnePlus ki nayi charging technology hai, jo is smartphone ke saath hi market mein aayi hai. Company ke according, is nayi charging technology se aapka ye smartphone 20 minutes mein 50% tak charge ho jaata hai aur aaram se full day use kiya jaa sakta hai. Ismein phone aur charger dono mein new Integrated circuits ka istemaal kiya gaya hai.
  • Design – Is smartphone ke front par bezel-less display hai aur rear panel par aapko Papaya Orange finish milta hai, jo bottom edge se dono side edges ki taraf jata hua, top edge tak pahunchte pahunchte black color mein fade hota hua nazar aata hai. Is smartphone ka rear panel McLaren ke groundbreaking carbon fiber se bana hai, ye wahi material hai, jise McLaren MCL33 2018 Formula 1 car ko banaane mein use kiya gaya hai.
  • Software – OnePlus 6T McLaren Edition mein aapko software mein bhi kuch changes nazar aayenge, jo McLaren ke style aur is company ki history ko dhyaan mein rakhte huye kiye gaye hain.
  • Storage – OnePlus 6T LcLaren Edition mein aapko 10GB RAM ke saath 256GB storage milti hai. Is special edition mein kewal yahi variant available hoga aur ismein microSD card slot nahin hai.
  • Charging cable – Is special edition ke saath aapko black and orange color ka charger aur Orange color ki hi USB Type-C to USB cable milti hai.

In changes ke alawa is handset mein sab kuch OnePlus 6T ke jaisa hi hai, jahaan aapko 6.41 inch ki FHD+ Optic AMOLED display, Conring Gorilla Glass 6 protection ke saath di gayi hai hai. Ismein bhi Snapdragon 845 chipset hi hai aur software mein bhi aapko Oxygen OS 9.0 hi milta hai, jo Android 9.0 Pie OS par based hai.

OnePlus 6T McLaren Edition mein bhi 16+20 MP ka dual rear camera setup hai aur 16 MP ka front camera aapko aage waterdrop notch mein mil jaata hai. Battery capacity 3700mAh hai aur in-display fingerprint scanner bhi diya gaya hai.

Is smartphone ko India mein 50,999 INR ke price par launch kiya gaya hai, jise aap Amazon se 13th December, 2018 se purchase kar sakte hain.

Is special edition ko hum thoda overpriced bhi keh sakte hain, kyunki agar aapko simple color chahiye to OnePlus 6T ka midnight black achha options hai aur agar shiny aur kuch naya chahiye to aap Thunder Purple color choose kar sakte hain. 10GB RAM, stylish design ke liye more than 50,000 INR pay karna aapko kitna sahi lagta hai, humein comments ke zariye zaroor bataaiye.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: