5 Interesting Things About Samsung Galaxy Note 9’s S Pen That You Need To Know

Samsung ne aaj apna most waited flagship smartphone Galaxy Note 9 launch kar diya hai. Is smartphone ki specifications ke baare mein to hum jaan hi chuke hain. Lekin is flagship smartphone ki khaasiyat hota hai iska S-Pen, jo ki is baar pichle stylus ke mukaable kahin jyada interesting aur enhanced hai. Jahaan ek taraf ise attractive yellow aur Blue colors mein introduce kiya gaya hai, wahin iske features bhi kaafi powerful hain.

Aaiye aapko bataate hain ki is naye S-Pen se, smartphone mein aap kya kuch kar sakte hain aur is baar ismein kaun se khaas features add kiye gaye hain.

Bluetooth LE – Is baar is S Pen mein Bluetooth bhi hai, jis tarah aapko smartwatches ya headphones mein Bluetooth milta hai aur aap use apne phone ke saath connect kar sakte hain, thik isi tarah S Pen mein diye gaye Bluetooth se aap ise 30 feet ki range mein 7 devices se connect kar sakte hain. Iska ek aur faayda ye hai, ki ab ye wireless hua.

Use Camera via S Pen –S Pen ki Bluetooth button ko long-press karke aap smartphone ki camera app open kar sakte hain aur double tap karke selfie aur rear cameras ke beech switch bhi kar sakte hain. Iske alawa is par single tap karne se, ye aapke liye picture bhi click karega. Yaani ki S Pen ek tarah se smartphone ka remote ban chuka hai.

Music control via S-Pen – Youtube par videos dekhte time, S-Pen ka yahi Bluetooth button aapke liye videos ko play aur pause karne ka kaam bhi kar sakta hai. Agar aap kisi other Bluetooth speaker ya TV par music cast karke sun rahe hain, to aapko smartphone uthaane ki zaroorat nahin hogi, apni pocket mein pade S-Pen ke button ko press kijiye aur videos play / pause kiye jaa sakte hain.

Your presentation partner – Office ki kisi presentation mein bhi ye aapki help kar sakta hai. Ap aapko laptop ki koi zaroorat nahin hogi. Apne presentation ko aap Note 9 mein save kijiye aur jab bhi presentation ho us presentation ko open kar, phone ko projector se connect kar dijiye, aur aapki pocket mein pade S-Pen ke button ko tap karne se aap powerpoint par bani presentation ki slides ko aage-peeche kar sakte hain.

Fast charge – Galaxy Note 9 ke is S-Pen ki battery approximately 200 clicks ya 30 minutes tak aapka saath deti hai, lekin iski khaas baat ye hai ki iski battery kewal 40 seconds, jee haan minutes nahin, 40 seconds mein charge ho jaati hai. Bas ise Note 9 mein wapas iski jagah par insert kijiye aur 40-45 seconds mein full charge hone par aap wapas isse ye sabhi kaam kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: