5 Smart Tech Products Jinhein Aap 500 INR se kam mein kharid sakte hain

Aajkal ghar ke har kone mein technology product ki zaroorat hone lagi hai. Kitchen se lekar bathroom mein toothbrush tak ab smart technology ke saath available hain. Dheere dheere life smart gadgets par depend karne lagi hai aur kya aap jaante hain ki aise bhi kuch cool gadgets market mein available hain jinki price 500 INR se bhi kam hai aur phir bhi wo kaafi efficient hain. Aaiye jaante hain aise kuch useful products ke baare mein jinhein aap sirf 500 INR ya usse bhi kam mein kharid sakte hain.

1. Ikea LED USB Lamp

Ikea LED USB Lamp ek flexible lamp hai jo kaafi lightweight aur bright hai. Is USB lamp mein USB port hai jise aap apne laptop, charger kisi se bhi connect karke jahaan bhi zaroorat hai use kar sakte hain. Ye around 25,000 hours tak light provide kar sakti hain aur iska price sirf Rs. 389 hai.

Ise aap Amazon se purchase kar sakte hain.

2. Inditradition Bathroom Overhead Shower LED Lights

Inditradition Bathroom Shower LED Lights ko aap aasaani se apne bathroom shower mein laga sakte hain. Ismein kisi wire ki bhi zaroorat nahin hai. Ye automatic LED light hai jo water ka flow start hote hi apne aap on ho jaati hain. Ismein 7 colors hain jo automatically apne aap change hote rahenge. Ye plastic material ki hai aur silver color mein Amazon par available hai. Is product ka price kewal Rs. 449 hai.

Kharidne ke liye click karein.

3. All in One Card Reader

All in one card reader ek office desk ke liye bahut useful product hai. Ye pen drives, mobiles, laptops, camera cards, PCs, sab ke saath compatible hai. Iske saath high transfer speed milti hai aur ismein 3 USB ports aur different card readers hain jo MS/MS pro Duo/SD/MMC/M2/Micro SD sabhi tarah ke card support karte hain. Iska price Rs. 349 hai.

Ise bhi aap Amazon se kharid sakte hain.

4. e-Writers or e-tablets for Kids

Ye eco-friendly tablets hain. In par aap notes bana sakte hain. Bachhe bhi inhein interest ke saath writing ya drawing ke liye use kar sakte hain. Is par jo bhi aap likhenge ya draw karenge wo tab tak rahega jab tak aap use ek button ke through erase nahin karte. Saath hi ye aankhon ke liye harmful nahin hai. Bacchon ke liye ye kaafi creative product hai aur iska price Rs. 329 hai.

Amazon se kharidne ke liye yahaan click karein.

5. Pen Stand Bluetooth Speaker With LED Lights

Ye bhi ek accha product hai jiski price Amazon par Rs. 379 hai. Ye ek chota sa cute speaker hai jise aap desk par rakh sakte hain aur itne kam price par ye ek Pen stand aur ek basic Bluetooh speaker ki zaroorat ko poora karta hai. Saath hi ismein neeche ki taraf RGB LED light bhi di gayi hai. Iske through aap calls bhi answer kar sakte hain.

Purchase ke liye click karein.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: