5 Best Dual Rear Camera Phones Under 20,000 INR

India mein mostly log budget handsets kharidne waale hain, lekin aaj ka trend hai, aggressive price mein best features. Aur yahi kaaran hai ki ab aapko budget phones mein bhi achhe features milne lage hain. Aise mein agar aap photography lovers hain, to bhi budget phones mein aapke liye kuch options moujood hain, jo aapko best dual rear camera performance dete hain. In handsets mein aapko detailed pictures, color accuracy, sharpness aur perfect portrait mode results milte hain.

Aaiye jaante hain ki 20K ki range mein aap kaun se best dual rear camera phones purchase kar sakte hain.

Xiaomi Mi A2

Xiaomi ka ye Android One smartphone waakyi mein kaafi achhi picture quality deliver karta hai. Mi A2 mein aapko 16+20 MP ka dual rear camera setup milta hai. Is handset mein aapko better lowlight photography bhi milti hai. Saath hi ismein 20 MP ka selfie shooter hai jo f/2.2 aperture ke saath aata hai aur acchi selfies provide karta hai.

Iske alawa Mi A2 mein full HD+ display, Snapdragon 660 chipset, aur 3010 mAh ki battery hai, jo ki Qualcomm Quick Charge 4+ fast charging support ke saath aati hai.

Iski kimat 15,999 INR se start hai aur ye Amazon exclusive device hai.

Poco F1

Xiaomi ka affordable premium smartphone, jo ki 20K mein aapko Snapdragon 845 ke saath milta hai, ye bhi ek achha camera phone hai. Ismein 12 MP ka primary shooter dual LED flash light, f/1.9 aperture aur dual pixel auto focus ke saath aata hai. Jabki secondary rear camera 5 MP ka hai, jismein Samsung sensor hai. Iske rear camera se bhi aapko acchi detailing ke saath pictures milti hai. Iska front facing camera bhi 20 MP hai, jo selfies lovers ke liye enough hai.

Is samay Poco F1 ki starting price 19,999 INR hai.

Nokia 7.1

Nokia 7.1 mein bhi aapko 12+5 MP ke dual rear sensors mil jaate hain. Is handset ke camera dual LED flash light, ZEISS optics, f/1.8 aperture, EIS aur f/2.4 aperture (secondary camera) jaise features ke saath aate hain). Is smartphone ka frontal sensor 8 MP resolution aur f/2.0 paerture ke saath aata hai.

Iske alawa Nokia 7.1 mein HDR 10 support ke saath 5.84 inch ki full HD+ display, Snapdragon 636 chipset, aur 3060 mAh ki battery fast charging ke saath di gayi hai.

Is handset ko aap 19,484 INR ki price par apne saath le jaa sakte hain.

Honor 8X

Honor 8X bhi ek achha affordable smartphone hai, jismein aapko 20+2 MP ka dual rear camera setup mil jaata hai. Saath hi yahaan company ne camera mein AI support bhi diya hai, jo performance ko aur behtar banaane ka kaam karta hai. Saath hi ismein AI support ke saath 16 MP ka selfie camera moujood hai.

Iske alawa other features mein 6.5 inch ki full HD+ display, Kirin 710 chipset, 4GB+64GB storage option aur 3750mAh ki battery hai. Is handset ki current price 14,999 INR hai.

Zenfone Max Pro M2   

ASUS ka last month release hua Zenfone Max Pro M2 bhi achhi camera performance ke saath aata hai. Is handset mein aapko 12+5 MP ke dual rear cameras hain, jinki performance kaafi improved hai aur saath hi yahaan 13 MP ka front camera moujood hai. ASUS yahaan par Snapdragon camera software use kar raha hai, lekin iski quality kaafi improved hai. Ye bhi 14,999 INR ke price tag ke saath hi available hai.

Ismein aapko notch display ke saath 6.26 inch ki full HD screen milti hai, Snapdragon 660 chipset hai aur 5000mAh ki badi battery moujood hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: