48MP Primary Camera Ke Saath Affordable Price Par Launch Hua Huawei Enjoy 10 Plus

Huawei ne aaj China mein Huawei Enjoy 10 Plus smartphone ko launch kar diya hai. Iss phone ko haal hi mein India mein launch kiye gaye Huawei Y9 Prime ka rebranded version bataya jaa raha hai. Lekin ismein aapko behtar camera diya gaya hai. Phone mein kisi bhi tarah ki notch display nahi di gayi hai, saath hi front camera pop-up mechanism ke saath aata hai.

Huawei Enjoy 10 Plus mein 6.59 inch ki Full HD+ display di gayi hai, phone ki display mein curved glass ka use kiya gaya hai. Phone mein Octa Core Kirin 710F 12nm processor aapko milta hai, isi ke saath ismein aapko ARM Mali-G51 MP4 GPU bhi diya gaya hai. Phone ke rear panel par finger print scanner ka option mil jaata hai. Yeh phone EMUI 9.0 based Android 9 Pie operating system par kaam karta hai.

Phone mein triple rear camera setup milta hai. Ismein primary camera 48MP (f/1.8 aperture), secondary camera 8MP (f/2.4 aperture) ultra wide angle lens ke saath aur third camera 2MP (f/2.4 aperture) ka depth sensor ke saath diya gaya hai. Iske alawa front facing camera 16MP ka pop-up mechanism ke saath aata hai. Phone ke rear aur front dono cameras mein studio quality lighting effects dekhne ko milte hain. Phone mein 4000mAh ki battery di gayi hai jo ki 10W charger ko support karti hai.

Huawei Enjoy 10 Plus mein Black, Blue, Orange aur Green colors aapko mil jaate hain. Yeh phone China mein pre-order ke liye already available hain, iss phone ki sale 10th September se China mein shuru ki jaayegi. Phone ke price aur storage variants ko aap neeche dekh sakte hain.

  • HUAWEI Enjoy 10 Plus (4GB/128GB) – CNY 1499  (~Rs 15,070 )
  • HUAWEI Enjoy 10 Plus (6GB/128GB) – CNY 1799  (~Rs 18,090 )
  • HUAWEI Enjoy 10 Plus (8GB/128GB) – CNY 2099 (~Rs 21,100)

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: