Motorola One Vision India Mein Affordable Segment Mein Hua Launch; Punch-Hole Selfie Camera Ke Saath Galaxy M40 Ko Dega Takkar

Motorola ke latest Android One smartphone Motorola One Vision ko aaj India mein launch kar diya gaya hai. Iss phone ko company Brazil mein pehle hi launch kar chuki hai. Phone in-screen front camera diya gaya hai. Motorola One Vision ko company ne Sapphire Gradient aur Bronze Gradient color mein announce kiya hai.

Iss phone mein Samsung ka Exynos 9609 Octa Core processor use kiya gaya hai. Motorola One Vision mein 6.3 inch ki full HD+ LCD screen di gayi hai, jiska screen aspect ratio 21:9 hai. Iss phone mein aapko Android 9 Pie operating system diya gaya hai. Phone ke rear panel par 4D corning gorilla glass ko use kiya gaya hai jo ki gradient finish mein aata hai.

Yeh phone single storage option mein aata hai jahaan aapko 4GB RAM ke saath 128GB internal storage dekhne ko milti hai. Phone ki storage microSD Card ki help se 512GB tak expand ki jaa sakti hai. Phone mein rear mounted finger print scanner aapko milta hai. Iss phone mein 3500mAh ki battery di gayi hai jo ki 15W ki turbo power fast charging ko support karti hai. Company ke according phone ko 15 minutes charge karne ke baad aap 7 hours tak use kar sakte hain.

Also Read : Motorola One Action Leaks 

Iss phone mein 48MP (f/1.7 aperture) ka primary camera dual LED flash ke saath diya gaya hai jismein OIS ka support aapko milta hai. Iss ke saath hi secondary camera 5MP (f/2.2 aperture) ka milta hai. Front mein aapko in-screen camera 25MP (f/2.2 aperture) ka diya gaya hai. Iss phone ka rear camera quad pixel technology ke saath aata hai. Iske alawa aapko ismein night vision option bhi diya gaya hai.

Phone mein hybrid dual sim ka support diya gaya hai, Iske alawa yeh phone dual 4G VoLTE ko support karta hai. Connectivity ke liye aapko iss phone mein dual band Wi-Fi, Bluetooth 5, GLONASS+GPS, NFC ke option mil jaate hain. Charging ke liye aapko iss phone mein USB type-C port diya gaya hai.

Iss phone ko India mein Rs 19,999 ke price tag ke saath launch kiya gaya hai. Yeh phone 27th June se Flipkart par sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: