4230mAh Capacity Ki Battery Ke Saath India Mein Launch Hua Oppo A5s , Jaane Price Aur Specs

Oppo ne apne A series ke next smartphone Oppo A5s ko aaj finally India mein announce kar diya hai. Iss phone ki rumored details iske launch se pehle already hum sun rahe the, jo ki kaafi had tak match karti huyi nazar aa rahi hain. Sabse pehli baat aapko bata dein ki company ne iss phone ko ek affordable price tag ke saath launch kiya hai, jis se yeh phone price ki category mein already kaafi phones ko takkar dene ke liye taiyar hai.

Oppo A5s mein 6.22 inch ki HD+ display di gayi hai jo ki water drop notch ke saath aati hai. Saath hi phone mein coring gorilla glass 3 ka protection bhi aapko milta hai. Phone mein MediaTek Helio P35 processor ka use kiya gaya hai jiske saath aapko IMG PowerVR GE8320 GPU milta hai. Company ne iss phone ko 2 storage variants mein launch kiya hai jahaan aapko 2GB RAM ke saath 32GB internal storage aur 4GB RAM ke saath 64GB internal storage dekhne ko milti hai. Phone ki expandable memory 256GB hai.

 

Baat karein phone ke optics ki iss phone mein dual rear camera setup milta hai. Primary camera 13MP ka diya gaya hai jiska lens aperture size f/2.2 hai wahin secondary camera 2MP milta hai jiska lens aperture size f/2.4 diya gaya hai. Oppo A5s mein front facing camera 8MP ka milta hai jo ki f/2.0 aperture lens ke saath aata hai.

 

Inn sabhi specs ke alawa aapko phone mein rear panel finger print scanner bhi milta hai. Phone ko power dene ke liye 4230mAh ki battery di gayi hai, jo ki iss phone ki highlight bhi hai. Phone mein audio output ke liye dedicated speakers ke alawa 3.5mm headphone jack ka option bhi milta hai. Connectivity ke liye aapko iss phone mein 4G VOLTE, Wi-Fi 802.11 b/g/n, Bluetooth 4.2, GPS/GLONASS jaise option bhi mil jaate hain.

 

Company ne iss phone ko Black, Red, Gold aur Green color variants mein launch kiya hai. Iss phone ka 2GB/32GB variant India mein Rs 9,990 ki price par launch kiya gaya hai. Lekin iska 4GB/64GB storage variants next month available hoga jo ki Green aur Gold color mein aayega. Iss phone ko aap offline market se purchase kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: