Waterdrop Notch Ke Saath India Mein Launch Hua Vivo Y91i

Vivo ne India mein apne Y series ke ek aur smartphone Vivo Y91i ko launch kar diya hai. Yeh ek mid- range smartphone hai jise Fusion Black, Sunset Red aur Ocean Blue color mein Indian market mein utaara gaya hai. Phone basic features ke saath launch kiya gaya hai jahan aapko ismein face unlock to milta ha lekin finger print scanner ka option nahi diya gaya hai.

 

 

Vivo Y91i 6.22 inch ki HD+ IPS display ke saath aata hai jo water drop notch ke saath aati hai. Iss phone ka screen aspect ratio 19:9 dekhne ko milta hai. Phone mein Octa-Core MediaTek Helio P22 processor diya gaya hai jise 12nm mobile platform par design kiya gaya hai saath hi ismein IMG PowerVR GE8320 GPU use kiya gaya hai. Yeh phone 2 storage variants mein aata hai jahan aapko 2GB RAM ke saath 16GB ROM aur same RAM ke saath 32GB ROM ka option milta hai. Ismein microSD card slot diya gaya hai jo ki 256GB tak ki memory card ko support karega. Phone mein 4030mAh ki battery aapko milti hai.

 

Vivo Y91i mein Funtouch OS 4.0 based Android 8.1 (Oreo) operating system milta hai. Phone ke rear panel par 13MP ka single camera LED flash ke saath aata hai aur front facing camera 8MP ka hai. Connectivity ke liye iss phone mein Bluetooth 5.0, Wi-Fi 802.11 b/g/n, GPS aur 4G VOLTE ka support milta hai.

 

Indian market mein iss phone ke 2GB/16GB variant ke liye aapko Rs 7,990 aur 2GB/32GB variant ke liye Rs 8,490 dene honge. Yeh phone pehle offline market mein available hoga uske jaldi hi iss phone ko online stores par available karaya jaaega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: