Samsung Galaxy A20, Infinity-V Display Aur 4000mAh Battery Ke Saath Announce Hua

Samsung ne aaj A series ke ek aur mid-range phone ko announce kiya hai, yeh phone Samsung Galaxy A20 hai. Last month hi company ne issi series ke 3 phones ko India mein launch kiya tha. Haalanki yeh phone abhi sirf Russian market mein announce hua hai aur ye kisi other country mein aata hai ya nahin, is par koi bhi information nahin hai. Iss phone ko kaafi ache specifications ke saath company ne announce kiya hai.

 

 

Samsung Galaxy A20 mein 6.4 inch ki HD+ super AMOLED infinity- v display di gayi hai. Iss phone ke Russian model mein Exynos 7884 chipset use kiya gaya hai. Iss phone ke GPU ke baare mein company ne koi information nahi di hai. Samsung Galaxy A20 ko company ne single storage option mein launch kiya hai jahaan aapko 3GB RAM aur 32GB in built storage ka option milta hai. Iss phone mein Samsung One UI based Android 9.0 pie Os milta hai.

Samsung Galaxy A20 mein 13MP ka primary camera aur 5MP secondary camera diya gaya hai jo ki LED support ke saath aata hai. 8MP ka front facing camera iss phone mein milta hai. Phone mein rear mount finger print scanner ka option bhi milta hai. Iss phone mein 4000mAh ki battery aapko di gayi hai. Audio output ke liye aapko iss phone mein 3.5mm head phone jack bhi milta hai.

Yeh phone dual 4G VOLTE support ke saath aata hai. Saath hi Wi-Fi 802.11 b/g/n, Bluetooth, GPS, GLONASS ka option bhi milta hai. Iss phone ko Russia mein 13990 Rubles ( Rs 15,000 approx.) ki price mein launch kiya gaya hai. Iss phone ki India aur global launch ke baare mein company ne koi information nahi di hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: