3C Certification Website Par Spot Hua Samsung Galaxy Note 10+ 5G Variant

Samsung ka upcoming Unpacked Event next month 8th August ko hone wala hai, jismein company Samsung Galaxy Note 10 ko launch karne wali hai. Iss phone ki rumored details ko already kaafi samay se internet par dekha jaa raha hai. Jyadatar rumors mein bataya jaa raha tha ki iss phone ko teen different variants mein launch kiya jaa sakta hai, jismein ek 5G variants bhi include hai.

 

 

Iss phone ko 3C Certification website par SM-N9760 model number ke saath dekha gaya hai. Expect kiya jaa raha hai ki yeh Samsung Galaxy Note 10+ 5G  variants ho sakta hai, saath hi 5.0VDC and 3.0A or 9.0VDC and 2.77A travel charger bhi iss model ke saath mention kiya gaya hai. Last rumors ki maane to company iss phone ke saath 45W ke travel charger ko provide kar sakti hai, lekin haal hi mein aayi details ki according Samsung Galaxy Note 10 ke saath humein 25W fast charger dekhne ko mil sakta hai.

Samsung Galaxy Note 10+ aur Galaxy Note 10+ 5G variant ko similar look ke saath launch kiya jaa sakta hai, to wahin Samsung Galaxy Note 10 mein different look dekhne ko mil sakta hai. Abhi tak saamne aayi leaks ki maane to iss yeh phone 6.8-inch QHD+ Dynamic AMOLED display  ke saath launch kiya jaa sakta hai, jismein 4300mAh ki battery di jaa sakti hai. Iske alawa Samsung Galaxy Note 10+ 5G model mein badi battery milne ki ummid hai. Inn sabhi details ke alawa yeh bhi bataya jaa raha hai ki, iss phone ke rear panel triple cameras setup aur front panel par punch hole camera diya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: