32MP Selfie Camera Wala Smartphone Honor 20 Lite Hua Launch, Jaane Price Aur Specs

Huawei ke sub-brand Honor ne company ke upcoming event se pehle hi Honor 20 Lite smartphone ko launch kar diya hai. Phone ki highlight mein iska triple rear camera hai. Saath hi yeh phone dot notch display ke saath aata hai. Phone ka rear panel glossy gradient finish ke saath milta hai .

Honor 20 Lite mein company ne self designed Octa Core Hisilicon Kirin 710 chipset diya gaya hai. Iss phone mein aapko 6.21 inch ki full HD display di gayi hai jiska screen-to-body ratio 90% diya gaya hai. Phone mein 4GB RAM ka support milta hai saath hi 128GB ki on-borad storage aapko ismein milti hai. Yeh phone 512GB tak ke microSD card ko support kar sakta hai. Phone ke rear panel par aapko finger print scanner ka option bhi mil jaata hai. Saath hi yeh phone face unlock ko bhi support karta hai. Honor 20 Lite mein 3400mAh ki battery di gayi hai lekin ismein aapko kisi bhi tarah ki fast charging ka option nahi milta hai.

Phone mein 32MP ka front facing camera diya gaya hai. Honor 20 Lite mein 24MP ka primary camera diya gaya hai jo ki AI technology ke saath aata hai. Secondary camera 8MP ka milta hai jo ki 120° ultra wide angle lens ke saath aata hai. Saath hi 2MP ka telephoto lens iss phone mein diya gaya hai. Yeh phone EMUI 9.0 based Android 9.0 Pie operating system ke saath aata hai. Iss phone mein Midnight Black aur Phantom Blue color option milenge. Connectivity ke liye phone mein Wi-Fi, Bluetooth, GPS jaise connectivity option aapko mil jaate hain.

 

Iss phone ki launching price UK mein £249  (~Rs 19,300) rakhi gayi hai jahaan yeh phone 15th May se sale ke liye available hoga. Iske alawa 21st May ko company London mein hone wale event mein Honor 20 series smartphones ko bhi introduce karne wali hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: