32MP Selfie Camera Aur Kirin 710 Chipset Ke Saath Launch Hua Huawei P30 Lite

Huawei ne kal apni most awaited smartphone series P30 ko announce kar diya hai. Iss series mein company ne 3 phones ko launch kiya hai. Huawei P30, P30 Pro aur P30 Lite.  Huawei P30 Lite, is series ka cheapest handset hai jismein dew drop notch display dekhne ko milti hai. Saath hi yeh phone kaafi kam bezels ke saath aata hai.

 

Huawei P30 Lite mein 6.15 inch ki full HD+ display di gayi hai. Phone mein 2.5D curved glass display ko use kiya gaya hai jiska screen aspect ratio 19.5:9 hai. Iss phone mein Octa Core Kirin 710 chipset milta hai jise 12nm mobile platform par design kiya gaya hai. Issi ke saath ismein ARM Mali -G51 MP4 GPU milta hai. Iss phone ko company ne single storage variant 6GB RAM ke saath 128GB storage mein market mein utaara hai. Phone ki storage ko aap 512GB tak expand kar sakte hain. Iss phone mein EMUI 9.0 based Android 9.0 Pie OS milta hai.

Yeh phone triple rear camera setup ke saath launch kiya gaya hai. Phone mein primary camera 24MP, secondary camera 2MP ka aur third camera 8MP diya gaya hai jo ultra wide angle lens ke saath aata hai. Rear camera mein LED flash ka support milta hai. Front facing camera 32MP ka milta hai jiska lens aperture size f/2.0 hai. Phone ke rear panel par finger print scanner ka option apako mil jaata hai. Iss phone mein 3340mAh ki battery di gayi hai jo ki 18W ki fast charging ko support karti hai. Saath hi charging ke liye aapko ismein USB type-c charging port mil jaata hai.

Huawei P30 Lite With Triple Rear Cameras, Kirin 710 SoC Up for Pre-Orders Ahead of Launch

Huawei P30 Lite hybrid dual sim support ke saath aata hai jo ki dual 4G VOLTE connectivity ko support karta hai. Iske alawa Bluetooth 4.2 LE, dual band Wi-Fi, GPS, GLONASS ki connectivity bhi aapko iss phone mein mil jaati hai. Iss phone ko company ne Midnight Black, Peacock Blue aur Pearl White color mein launch kiya hai.

 

Yeh phone Canada aur Philippine mein pre-order ke liye available hai jahaan April se iski sale shuru ho jaaegi. Canada mein iss phone ke pre-order par company Huawei Band 3 free offer kar rahi hai. Philippine mein iss phone ki price 16,990 Philippine Piso (US$ 322 / Rs. 22,220 approx.) rakhi gayi hai iske alawa Canada mein yeh phone CA$450 (US$ 335 / Rs. 23,140 approx.) price par launch kiya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: