32MP AI Selfie Camera Aur In-Display FPS Ke Saath Launch Hua Vivo S1 Smartphone

Vivo ne Indonesia mein May month mein Vivo S1 Pro smartphone ko launch kiya tha. Aaj company ne iss phone ke cheaper variant Vivo S1 ko announce kar diya hai. Phone mein aapko in-display finger print scanner ka option milta hai. Issi ke saath yeh phone water drop notch display ke saath aata hai. Phone ke rear panel par nano-ion coating ki gayi hai, jis se light padne par reflection produce hota hai aur aapko rear panel ek reflected color dekhne ko milta hai.

Vivo S1 smartphone, 6.38-inch ki Full HD+ Super AMOLED display ke saath aata hai. Phone mein Octa Core MediaTek Helio P65 (MT6768) processor ko use kiya gaya hai jo ki 12nm mobile platform par design kiya gaya hai. Issi ke saath phone mein aapko ARM Mali-G52 GPU bhi milta hai. Company ne iss phone ko single storage variant mein announce kiya hai, jahaan aapko 4GB RAM ke saath 128GB internal storage milti hai.

Vivo S1 mein triple rear camera setup diya gaya hai, jismein primary camera 16MP ( f/1.78 aperture) ka Sony IMX499 sensor ke saath aata hai, secondary camera 8MP (f/2.2 aperture) ka milta hai, jo ki 120° ultra wide angle sensor ke saath aata hai aur third camera 2MP (f/2.4 aperture) ka depth sensor ke saath milta hai. Iske alawa front facing camera 32MP (f/2.0 aperture) ka diya gaya hai.

Iss phone mein Cosmic Green aur Skyline Blue color option mil jaate hain. Phone mein FunTouch OS 9 based Android 9 Pie operating system diya gaya hai. Iss phone mein 4500mAh ki battery di gayi hai, jo ki Vivo ke dual engine fast charging technology ko support karti hai. Iske alawa phone mein aapko dual 4G VoLTE, dual band Wi-Fi aur Bluetooth 5, GPS/GLONASS ka support mil jaata hai.

Indonesia mein iss phone ko 3599000 Indonesian Rupiah (~Rs 17725) ki price par launch kiya gaya hai. Yeh phone Indonesia mein pre-order ke liye available hai. Expect kiya jaa raha hai ki August tak iss phone ko India mein bhi launch kar diya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: