24 MP Ke In-Screen Camera Aur Finger Print Scanner Ke Saath Launch Hua Huawei Nova 5i Smartphone

Huawei ne aaj Nova series smartphone mein Nova 5 aur Nova 5 Pro ke alawa Huawei Nova 5i ko bhi launch kiya hai. Iss phone mein company ne 24MP ka in-screen camera diya hai. Iske alawa rear panel par quad camera setup aapko milta hai. Phone mein diya gaya rear gradient panel S curve shape mein dikhai deta hai. Huawei Nova 5i ko company ne Black, Blue aur Red color mein launch kiya hai.

Iss phone mein 6.4 inch ki full HD+ IPS LCD display di  gayi hai jiska screen aspect ratio 19.5:9 hai. Phone ki display mein 2.5D curved glass ko use kiya gaya hai. Iss phone ki screen DCI-P3 color gamut ke saath aati hai. Huawei Nova 5 mein Octa-Core Kirin 710 chispet diya gaya hai jo ki ARM Mali-G51 MP4 GPU ke saath aata hai. Iss phone ko do RAM variant aur single storage option mein announce kiya gaya hai.

Also Read : Huawei Ke Phones Mein Nahi Milega Facebook App Pre-Install 

Phone mein rear mounted finger print scanner ka option aapko milta hai. Phone mein primary camera 24MP (f/1.8 aperture) ka diya gaya hai jo ki LED flash ke saath aata hai, secondary camera 8MP ke ultra wide sensor ke saath aata hai iske alawa 2MP ka 4cm macro lens aur 2MP ka depth sensor iss phone mein aapko milta hai.

Huawei Nova 5 mein 4000mAh ki typical battery aapko milti hai. Iske alawa phone mein EMUI 9.1 based Android 9 Pie operating system diya gaya hai. Yeh phone dual 4G VoLTE, dual band Wi-Fi, Bluetooth 5, GPS+GLONASS jaise connectivity options ko support karta hai.

Iss phone ke 6GB/128GB variant ko CNY 1999 (~Rs 20,220) ki price par aur 8GB/128Gb variant ko CNY 2199 (~Rs 22,250) ki price par announce kiya gaya hai. Yeh phone 28th June se China mein sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: