Xiaomi Ne Confirm Ki Next Smartphone Ki Launch Date: Redmi Note 7S Hoga Isi Month Launch

Xiaomi ne kuch samay pehle hi India mein Redmi Note 7 aur Redmi Note 7 Pro smartphones ko launch kiya tha. Ab company India mein isi series ka third smartphone, Redmi Note 7S launch karne jaa rahi hai. Iss phone ki launch date ko Xiaomi India ke head Manu Kumar jain ne ek Twitter post ke through bataya hai.

India mein iss phone ko 20th May 2019 ko announce kiya jaayega.  Iss phone ko le kar company ne kuch specs update pehle hi de di hain jismein yeh bataya gaya hai ki Redmi Note 7S  smartphone mein aapko Redmi Note 7 Pro jaisa 48MP ka primary camera dekhne ko milega.

Post ki gayi image mein mention hai, ki Redmi Note 7s dual lens ke sath aayega, jismein 48MP ka camera primary hoga. Iss se expect kiya jaa raha hai ki Redmi Note 7 Pro ki hi tarah, ismein bhi secondary camera aapko 5MP ka mil sakta hai. Well, iss phone ki jyada details abhi tak saamne nahi aayi hain. Lekin ye invite ek tagline ke saath saamne aaya hai, jismein likha hua hai  “#48MP For Everyone”. Ye smartphone Redmi Note 7 series ka third smartphone hai aur rumors ye hain ki iske features Redmi Note 7 Pro se similar ho sakte hain.

Saath hi Xiaomi India VP ne ye bhi confirm kiya tha, ki wo Snapdragon 700 series mein haal hi mein launch huye chipset ke saath phone lekar aane waale hain, to bahut hadd tak chances ye hain ki, is smartphone mein aapko Snapdragon 730 processor mile.

Iske alawa abhi company Redmi ke flagship smartphone Redmi Killer 2.0/K20 Pro ke launch ki taiyari mein bhi lagi huyi hai. Lekin yeh phone pehle China mein launch kiya jaayega jiske baad company jaldi hi ise India mein bhi release karegi, aur iska first teaser bhi saamne aa chuka hai. Ismein humein 48MP+8MP+13MP ka triple rear camera setup aur Snapdragon 855 chipset dekhne ko mil sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: