20th January Ko India Mein Launch Hoga LG V40 ThinQ: Triple Rear Cameras, QHD+ Display And More

LG V40 ThinQ, company ka latest flagship smartphone hai, jo India mein 20th January ko Amazon par exclusively available hoga. Wahin prime members ke liye ye sale ek din pehle, yaani ki 19th January ko start ho jayegi. Maana jaa raha hai ki is smartphone ka India price lagbhag 45,000 INR hoga.

Ab agar iske specs par ek nazar daalein to, LG V40 ThinQ mein 6.4 inch ki p-OLED display di gayi hai aur saath hi Corning Gorilla Glass 5 protection bhi moujood hai. Ye handset Octa Core Qualcomm Snapdragon 845 processor ke saath aata hai, aur saath hi Adreno 630 GPU bhi moujood hai.

LG V40 ThinQ mein 6GB RAM ke saath 128GB storage aur 4GB RAM ke saath 64GB storage models available honge. Ismein 12 MP ka primary rear camera f/1.5 aperture ke saath, 16 MP ka secondary rear camera wide angle lens hai, jo f/1.9 aperture ke saath aur third rear camera jo ki telephoto lens hai, f/2.2 aperture ke saath diya gaya hai.

Ismein 8 MP ka front facinf sensor bhi f/2.2 aperture ke saath hi moujood hai aur sabhi cameras mein portrait mode bhi aapko mil jaata hai. Isi ke saath LG V40 ThinQ mein Boombox speaker technology bhi moujood hai aur fast charging support ke saath 3300mAh ki battery capacity bhi di gayi hai.

Lekin ek drawback jo yahaan par aata hai, wo ye ki aapko LG V40 ThinQ mein Android 8.1 Oreo software mil raha hai.

Well, others features yahaan par achhe hain aur is smartphone ki design and build quality bhi kaafi behtareen hai, lekin sirf software hi hai, jo yahaan par ek kami ke roop mein dikh raha hai. Ab ye smartphone India mein kis price par aata hai, iske liye kewal 3 dinon ka intezaar humein karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: