2020 Ke Election Mein Kamala Harris Hongi American Democratic Party se President Candidate

Kamala Harris ek baar fir se news mein bani huyi hain. Agar aap nahi jaante hain ki Kamala Harris kaun hai to aapko bata dein ki America mein Indian origin (Bhartiya Mool) se chooni jaane wali pehli Senator hain Kamala Harris. Kamala Harris ko America mein female Barack Obama bhi kaha jaata hai. Kamala Harris ko 2020 mein hone wale election ke liye Democratic party ki taraf se ek strong candidate ke roop mein dekha jaa raha hai. Jahan woh election mein Donald Trump ko oppose karti huyi nazar aayegi.

3 Saal pehle Kamala Harris Senate tak pahuchi thi, jis wajah se wah uss samay bhi charcha mein bani huyi thi. Jahan wah california se election ladne par jeeti bhi thi. Barack Obama ke samay mein unki khaas maane jaane ki wajah se hi Kamala Harris ko female Barack Obama ke naam se jaana jaane laga tha. Wah Barack Obama ko political terms mein kaafi help karti thi. Democratic Party ki contestant ki form mein Kamala Harris 4th contestant hain. Kamala ne iss baat ki official announcement ek video ke tweet ke dwara ki thi jismein unhone bataya ki ab desh ke liye jimmedari uthane ka samay aa gaya hai aur wah iske liye taiyar hain.

 

54 years ki Kamala Harris beete kaafi samay se American Politics mein active hain. Jis dauraan wah 2011 se 2017 tak California ki Attorney General bhi reh chuki hain. Itne lambe samay tak iss pad rehne wali wah pehli whitish female contestant hain. Kamala Harris apne election campaign ki shuruaat Carolina ke Baltimore se karengi. Jahan unke election ki theme ka naam “Kamala Harris for the People” rakha gaya hai.

 

Kamala Harris ki maa ek Indian Tamil family se belong karti thi, jo ki ek cancer specialist doctor thi. Wahin unke pita ek Jamaica origin se belong karte the jo ki Stanford University mein professor the. Jab Kamala 7 saal ki thi tabhi unke parents ne ek dusre se divorce le liya tha jahan court ne Kamala Harris ki nourishing ki authority unki maa ko di thi. Kamala Harris ne California aur Howard University se apni study complete ki hai. Apni study complete karne ke baad Kamala ne Advocacy aur politics ki taraf kadam bhadaya tha.

 

Political party ki nazar mein aane ka pehle reason Kamala Harris tab bani jab unhone abortion ko le kar court dwara diye gaye ek decision par sawaal khade kiye the. Iske alawa wah President election mein Russian interference ki wajah se bhi charcha mein bani rahi thi. Kisi bhi political issues mein Kamala ka view and perception kaafi strong hota tha, aur kahin na kahin inhi sab kaaran ke chalte Kamala Harris President pad ke liye nominate ki gayi hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: