2020 iPhone Se Judi Prototype Image Aayi Saamne, Mil Sakta Hai Illuminated Apple Logo

Apple ne kuch din pehle hi apni latest iPhone 11 series smartphone ko introduce kiya hai. Lekin ab next year aane wale iPhones se related rumors aana shuru ho gayi hain. Haal hi mein iPhone ke naye model ke prototype ko ek tipster ke through spot kiya gaya hai, bataya jaa raha hai ki 2020 mein launch hone wala iPhone kuch iss tarah ka dekhne ko mil sakta hai.

 

Iss iPhone 2020 prototype ki jaankari tipster Ben Geskin ne apne twitter handle par ek post ke through di hai. Ben Geskin ne bataya ki iss prototype ko dekhte huye expect kiya jaa sakta hai ki next year aane wale iPhone mein sayad humein notch dekhne ko na mile. Waise bhi recently launch hone wale phones mein bhi notch dikhna kam ho gayi hai. Iss iPhone mein humein 6.7 inch ki display dekhne ko mil sakti hai, jo ki iPhones mein milne wali abhi tak ki sabse lagre display hogi.

Iske alawa iss iPhone mein kaafi kam bezels dekhne ko mil sakti hai, jaisa ki aap image mein dekh sakte hain. Top bezel mein Face ID camera diya jaa sakta hai. 9to5Mac ko diye gaye ek interview mein Apple ke analyst Ming-Chi Kuo ne bataya tha ki aane iPhones mein users ko kuch bade changes dekhne ko mil sakte hain, ismein company iPhones mein 5G network support bhi provide kar sakti hai. Iske alawa upcoming iPhones mein upgraded camera features bhi offer kiye jaa sakte hain.

Inn rumors ke alawa ek aur leak haal hi mein nikal kar saamne aayi hai, jismein bataya gaya hai ki upcoming iPhones ke logo mein humein LED illumination dekhne ko mil sakta hai, saath hi phone mein notification LED light ka support bhi company de sakti hai. Yeh information US Patent & TradeMark Office ki website par dekhi gayi hai. Ismein bataya gaya hai ki device par di jaane wali top layer transparent di jaa sakti hai. Iske alawa phone mein control circulatory ke di jaane ki baat bhi kahi jaa rahi hai, jismein call aur missed calls ke hone ki jaankari milegi.

Well, yeh sabhi jaankari abhi rumors ke through humein dekhne ko mili hain aur yahan baat abhi sirf prototype ki hi ki jaa rahi hai. Haalnki yeh sabhi rumors sunne mein kaafi interesting lag rahi hai. Expected hai ki actual model iski tarah same ya fir different bhi ho sakta hai. Iss iPhone ke liye abhi humein bahut long tiime wait karna padega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: