2019, Q1 Mein Smartphones Ki Online Sale Pahunchi Sabse High, Ye Hai India Mein Sabse Jyada Bikne Wala Phone

Counterpoint research ke according, 2019 ke first quarter mein India mein sabse jyada online smartphones sale huye hain. Online retailers ke through smartphone sale is baar sabse jyada hai aur iska share 43% hai.

Counterpoint ke Market Monitor service ke dwara kiye gaye research se ye baat saamne aayi hai ki smartphones ki online sale is baar 17% badh gayi hai (year-on-year growth). Is survey ke according, affordable price par launch hote smartphones, attractive offers aur sales events ke kaaran, aisa hua hai.

Kayi popular phones par mil rahe attractive discounts, permanent price cuts ki wajah se, Q1 2019 mein online retailers ne ab tak ke sabse jyada smartphones sale kiye hain aur sabse jyada smartphones, Flipkart ne sale kiye hain. Smartphones ki badhti online selling mein, Flipkart 53% share ke saath sabse aage hai aur iske baad Amazon ka market share 36% hai, jabki baaki bacha 11% Xiaomi ki online selling site mi.com ko mila hai.

Iske alawa is research se ye bhi saamne aaya hai, ki kaun se smartphones sabse jyada beche gaye hain. Well, Xiaomi ka Redmi 6A, Redmi Note 7 and 6 series, Realme 3 aur Amazon par available Samsung ki online M-series ke smartphones ne is highest online selling smartphones ki list apna sabse jyada contribution diya hai.

Bataya gaya hai ki, offline market mein smartphones ki sale 4% kam hui hai, jabki online 17% increase hui hai. Flipkart par ASUS ki Zenfone Max Pro series, Redmi 6A, Realme aur Huawei ke phones sabse jyada sale huye hain. Wahin Amazon par OnePlus 6T, Samsung aur Huawei smartphones ne is sale mein apna major contribution diya hai.

Halaanki overall selling mein Flipkart aage hai, lekin Amazon par premium smartphone segment mein Q1 2019 mein ab tak sabse jyada sale hui hai. Is leading e-commerce channel ne online premium smartphones segment mein sabse jyada phones sale kiye hain. Premium phone segment mein, OnePlus, Samsung aur Apple ke phones sale hone se, is company ka 81% share hai.

Overall online smartphones sale mein jin top 5 companies ne total 85% share market mein hold kiya hai, unke naam aap neeche dekh sakte hain. Inmein sabse jyada market share Xiaomi ka hai aur isi ka Redmi 6A Q1 2019 ka best online selling smartphone bhi hai.

Iske baad apni Galaxy M-series, jo ki online exclusive hai, ke saath Samsung ne is list mein second position paayi hai. Is company ki offline market mein kaafi samay se acchi pakad hai, lekin M-series ke saath, Samsung offline market mein bhi achhe shares hold kar rahi hai.

15K-20K ke price mein Redmi Note 6 Pro, Redmi Note 7 aur Honor 10 jaise phones best performer rahe hain.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: