2019 Mein Launch Honge Ye Top 5 Foldable Smartphones

2018 mein hum foldable phones ke baare mein sunte aa rahe the, lekin ye year yaani ki 2019, foldable phones ka hi year hone waala hai. Ab tak hume foldable phones ke concept, leaked videos ya prototypes dekhe, lekin Samsung ke Galaxy Fold ke saath, in phones ke official launch ka silsila shuru ho chuka hai aur is saal iske baad, ek ke baad ek foldable phones humein dekhne ko milte rahenge.

Yun to lagbhag sabhi companies ke kisi naa kisi foldable phone ki charcha hai, lekin kaun se foldable smartphones jaldi hi is year mein hamaare saamne aayenge, aaiye zara unki baat karte hain. To ye hain is year mein launch hone waale top 5 foldable smartphones.

1. Samsung Galaxy Fold

Iss phone ko company ne introduce zaroor kiya hai, lekin iska launch April 26 ko hoga aur uske baad hi ye U.S. aur kuch European countries mein available hoga. Iss phone mein Qualcomm Snapdragon 855 chipset diya hai. Yeh phone company ne 2 variants mein show kiya hai 5G variant aur 4G variant. Iske alawa iss phone mein 12GB RAM aur 512GB UFS storage di gayi hai. Phone ki khaas baat yeh hai ki ismein screen ko power dene ke liye 2 batteries ka use kiya gaya hai. Iske alawa company ne iske liye new hinge system design kiya hai, jo ki phone ko easily fold karne mein helpful hoga aur ye spine ke andar hidden hoga. Is smartphone ka price $1980 (1,40,000 INR approximately) se start hoga.

 

2. Huawei Foldable Smartphone

Huawei Foldable smartphone ki abhi tak kaafi rumours saamne aa chuki hain. Rumours ki according iss phone ki main screen aapko 5 inch ki display milegi, iske alawa phone ko poori tarah se open karne ke baad full screen 8 inch ki nazar aaegi. 5 inch ki screen par aapko notch display dekhne ko mil sakti hai jo ki face recognition ke liye use ki jaa sakti hai. Huawei ka foldable phone, 5G connectiivity ke saath MWC 2019 mein launch kiya jayega, jiske liye invites bheje jaa chuke hain.

 

3. Xiaomi Dual Flex Or MIX Flex

Kuch time pehle saamne aayi ek choti si video mein Xiaomi ke co-founder Lin Bin ke hath mein ek foldable smartphone dekha gaya tha, jiski video Twitter par share ki gayi. Iss foldable phone ki khaas baat yeh thi ki yeh phone double fold ho sakta tha. Proper open karne par yeh phone ek tablet ke barabar nazar aayega. Haalanki iss phone ki confirmation abhi tak company ne nahi ki hai. Wahin Lin Bin ne bataya tha ki yeh sirf ek prototype hai. Aur expect ye kiya jaa raha hai ki company ise MWX mein zaroor showcase karegi.

 

 

4. Moto Razr 2019

Motorola ki taraf se iss flip phone ki kaafi images saamne aa chuki hain. Dikhai de rahi images mein phone ke expand hone par screen  6.5 inch ki nazar aati hai. Lekin flip karne karne par yeh phone wapas apne compact size mein aa jaata hai. Sabse achi baat yeh hai ki iss phone ka look abhi tak saamne aaye sabhi foldable phones se different hai, jaisa ki aap neeche dekh sakte hain.

 

5. Vivo iQOO

Vivo ki upcoming series iQOO ke rumours lagaataar saamne aa rahe hain, jahan bataya jaa raha hai ki yeh Vivo ki taraf se aane wala premium foldable smartphone ho sakta hai. iQOO ke first smartphone ki launch date bhi company ne reveal kar di hai jo ki 1st March 2019 hai, lekin is date par hi ye Chinese smartphone maker foldable handset launch karne waale hai ya nahin, ye confirm nahin hai. Lekin company ne teaser mein jo specs share ki hain, wo ek premium handset ki hain, ab ye handset foldable hai ya nahin, ye to MArch 1 ko hi pata chalega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: