2019 Mein Xiaomi Ki Taraf Se Aane Waale Hain Ye 5 Smartphones,

2019 bhi smartphones ki duniya mein ek remarkable year hone waala hai. Sabhi leading smartphone makers apne flagship smartphones ko aur behtar aur future smartphone banaane ki koshish mein hain.  Wahin competitive price par best specs ke saath phone launch karne ke liye jaani jaati company Xiaomi se bhi upcoming smartphones ko lekar, logon ko kaafi expectations hain. Aur aisa lag raha hai ki Xiaomi bhi in expectations ko poora karne ki poori koshish kar raha hai.

2019 mein Xiaomi jo handsets launch karne jaa raha hai, wo bhi aapko best prices par hi milenge aur saath hi company unhein aur behtar features ke saath bhi launch karegi. Well, har saal Xiaomi ke kaafi smartphones market mein aate hain, lekin 2019 mein launch hone waale jo Xiaomi smartphones, confirm ho chuke hain, unki list hum aapke saath yahaan share kar rahe hain.

Poco F2

Sabse pehle hum yahaan Poco F2 ki baat karna chahenge, jiske rumors start ho chuke hain. Is smartphone ko Geekbench benchmarking site par Snapdragon 845 chipset aur Android 9.0 Pie OS ke saath dekha gaya hai, jisee ye saaf hai ki ye early 2019 mein hi launch kiya jaa sakta hai. Well, Poco F1 ke mukaable, ye handset kaise behtar hoga, ye dekhna interesting rahega.

Redmi Go

Xiaomi ka first Android Go edition smartphone bhi 2019 mein hi launch hone wala hai aur ise bhi company jaldi hi launch kar sakti hai. Redmi Go mein aapko Android 9.0 Pie ka Go edition milega, jiske saath 1GB ki RAM, aur 8GB ROM di jayegi. Ismein 18:9 display aur sabhi basic apps ka light version hoga, jaise ki YouTube Go, Files Go, etc. Saath hi ye Xiaomi ka cheapest smartphone hoga. Haal hi mein Redmi Go ko M1903C3GG model number ke saath US, Russia aur China ki certification sites par bhi dekha gaya hai.

Redmi Pro 2

Redmi Pro 2 bhi upcoming smartphones ki list mein shaamil hai. Ye wahi smartphone hai, jiska teaser Xiaomi President Lin Bin ne share kiya aur saath hi ye confirm bhi kiya tha ki company ka naya smartphone 48 MP rear camera ke saath jaldi hi launch kiya jayega. Iske alawa Redmi Pro 2 mein humein Snapdragon 675 chipset dekhne ko milega. Maana jaa raha hai ki iska chipset kaafi powerful hoga aur easily aapko enhanced and smooth performance offer karega. Saath hi ye bhi expect kiya jaa raha hai ki gamers bhi is smartphone ko kaafi pasand karenge.

Also Read : Upcoming Smartphones in January 2019

Redmi 7 series

Xiaomi already Redmi 7 series par kaam kar raha hai. Is series mein company three smartphones launch karne waali hai, jinmein Redmi 7, Redmi 7A aur Redmi 7 Pro ka naam shaamil hai. Ye teenon smartphones already Chinese certification site 3C se certification le chuke hain. Halaanki is series ko lekar abhi tak kuch khaas saamne nahin aaya hai. Lekin maana jaa raha hai ki ismein aapko glass back design aur waterdrop notch dekhne ko mil sakti hai.

Mi 9

Expected hai ki Xiaomi ki taraf se first triple rear camera wala phone Mi 9 hoga. Isi ke saath ye bhi kaha jaa raha hai ki is smartphone mein company Snapdragon 855 chipset dene waali hai. Rumors ke according Mi 9 mein 6.4 inch ki display, 3700mAh ki battery aur 10GB ki RAM mil sakti hai. Iske alawa ummid hai ki ismein aapko slider front camera ya punch hole camera mil sakta hai.

Well, ye to saaf hai ki Xiaomi ka dhamaal agle saal bhi jaari rahega, lekin apne fans ko ye company kitna khush kar paati hai, ye in smartphones ke price tag hi bataayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: