Top 5 New & Interesting Features Coming To Phones In 2019

Agar hum aaj guzre waqt ki smartphone technology ko yaad karein, to aapko kya yaad aata hai ?

Agar main apni baat karun to Nokia ke wo feature phone jinmein choti si black and white display hoti thi aur 4-5 din unki battery life. Saath hi wo Snake game. Iske baad kuch phones mein 3.2 MP ka rear camera, pattern lock aur uske baad touch screen phones.

Aur aaj kuch hi years ke baad technology kaafi aage badh gayi hai. Batteries mein fast charging support, dual front aur dual rear cameras, pattern lock se in-display fingerprint sensor tak ka safar.

Smartphone technology bahut hi tezi se badh rahi hai. Last year dual rear cameras aur rear mounted fingerprint scanner ka trend raha. Is year humne notch, waterdrop notch displays aur in-display fingerprint sensor technologies ko dekha. Lekin kya aap jaante hain ki aane waale samay mein aap smartphones mein kaun si technologies ya new features dekh sakenge ?

Well, aaiye hum aapko bataate hain ki next year ke flagship smartphones kaun si nayi technology ke saath aayenge.

Foldable display – Foldable display ki charcha, aaj se nahin, balki kaafi samay se chal rahi hai. Lekin ab ye clear ho chuka hai ki Samsung aur Huwei early 2019 mein hi apne foldable display waale smartphones launch kar denge.

Halaanki, world ka foldable display ke saath aane wala first smartphone, Flexpai already China mein kuch dinon pehle launch ho chuka hai. Lekin Samsung ke foldable display smartphone, Galaxy F se logon ki kaafi expectations hain. Ummid hai, ki iske baad Oppo, Vivo, LG jaisi sabhi leading companies bhi foldable display ke trend ko apnaayengi.

Triple rear cameras

Triple rear cameras bhi next year ek trendy feature hoga. Is feature ka trend pichle kuch samay se start ho chuka hai. Jahaan Huawei ne nayi P20 series ke sabhi smartphones mein triple rear cameras diye hain, wahin Samsung ka Galaxy A7 (2018) bhi isi feature ke saath India mein launch ho chuka hai. ASUS ka affordable smartphone Zenfone Max Pro M2 bhi jaldi hi triple rear cameras ke saath aayega.

Lekin expect kiya jaa raha hai ki next year tak sabhi leading companies Xiaomi, Oppo, Vivo, Nubia, etc. ke smartphones mein hum is trendy feature ko paayenge. Iska ek kaaran ye bhi hai ki Qualcomm ke jo naye chipsets aane waale hain unmein triple cameras ki feed ko ek saath read karne ki capacity hai.

5G connectivity

Halaanki 5G network ko India mein establish hone mein abhi lagbhag 1-2 years lagenge, lekin 5G smartphones market mein early 2019 se hi available honge. LG, OnePlus, HTC, Sony jaisi companies next year apne flagship smartphones mein 5G connectivity dene waali hain. Inmein se mostly smartphones mein Qualcomm ka Snapdragon X50 5G NR modem use kiya jayega. Agar aap apne smartphone ko 2-3 years tak use karte hain, to agle saal 5G connectivity ko dhyaan mein rakhte huye hi smartphone kharidna behtar hai.

Iske alawa Samsung aur Google ki taraf se 5G announcements nahin hui hain, lekin fans ko ummid hai ki ye companies bhi next year mein 5G smartphones launch karengi.

Ultrasound in-display fingerprint scanner

Ab tak aapne in-display fingerprint sensor ke saath aane waale kayi smartphones dekhe hain. Is feature ko market mein sabse pehle Vivo lekar aaya tha. Vivo X21 wo sabse pehle smartphone hai, jo India mein in-display fingerprint scanner ke saath launch kiya gaya.

Lekin ab tak jitney bhi handsets aise aaye hain, unmein optical in-display fingerprint scanners hain, jo reflected light ko read karke, fingers ko register karte hain. Lekin next year mein, humein ultrasound in-display fingerprint scanners dekhne ko milenge, jo ki optical in-display fingerprint sensors ke mukaable kaafi fast aur accurate honge. Ye sensors light ki jagah reflected ultrasound waves ke zariye aapke fingerprint ko register karenge.

Ultrasound in-display fingerprint scanner ke saath aane waala first Samsung Galaxy S10 hoga.

In-display front camera     

Iske alawa 2019 mein flagship smartphones mein companies truly full view display dene ki koshish karengi, jiske kaaran notch ko aur bhi chota karna hoga ya phir remove karna hoga aur isi ka result hoga, in-display front camera. Maana jaa raha hai ki, OnePlus 7 mein in-display front camera aayega, jo ki 24 MP ka hoga. Iske alawa aur bhi kayi smartphones is feature ke saath aa sakte hain.

In-display front camera aapko, zerol bezel ke saath aane waali full view display mein ek choti si dot jaisa dikhega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: