2019 Ke Phones Ki Best Smartphone Technologies

Aaj 2019 ka last day hai aur is saal bhi kayi behtareen smartphones humne India mein launch hote dekhe. Lekin in smartphones mein kuch nayi aur innovative technologies bhi hamaare saamne aayi hain aur kuch features mein humne kaafi improvement bhi dekha hai. Aaiye aapko bataate hain ki 2019 mein kaun si nayi technologies hamaare saamne aayi hain.

Batteries With Fast Charging Technology

Halaanki ye technology nayi nahin hai, last year mein bhi kuch phones mein fast charging support hota tha. Lekin is saal mein lagbhag sabhi companies ne battery capacity ko badhaane aur fast charging ko affordable phones mein bhi dene ki taraf kadam badhaaya hai.

Realme ke affordable phones mein pehle VOOC 3.0 fast charging tha, lekin abhi aapko 20K ke phones mein bhi 30W VOOC 4.0 fast charging support milta hai. Redmi aur Nokia ke kuch phones mein aapko 18W fast charging milegi, wahin Q4 mein launch huye Redmi K30 mein 30W fast charging hai.

Is year mein Xiaomi ne 100W fast charging technology bhi announce ki hai, wahi Oppo ki bhi 65W fast charging technology 4000mAh ki battery waale phone ko half an hour mein full kar sakti hai.

Isi tarah Vivo ke latest phone iQOO Neo 855 mein bhi 33W fast charging support hai. Iske alawa MWC 2019 mein hi Vivo apni 120W fast charging technology bhi introduce kar chuka hai.

Isi ke saath ab budget to affordable phones mein bhi aapko 4000mah battery minimum milti hai aur kayi budget phones mein iski capacity 5000mAh hai. Lagbhag 10K ke budget mein bhi aap 5000mAh battery phone le sakte hain.

Lekin badhti battery capacity ki wajah se phone bhi ab bulky aur size mein bade hote jaa rahe hain.

Performances

2019 ke poore year mein hum aur aap dekhte aaye hain ki phones ki performances lagaatar improve hui hain. Affordable phones mein ab aapko Snapdragon 700-series ke chipset mil rahe hain aur phones UFS 2.1 aur UFS 3.0 storage ke saath aane lage hain, jinse phones ki performances kaafi smooth aur fast ho chuki hai.

Realme ke Realme 5 aur 5s jaise budget phones mein bhi ab Quad Core nahin, balki Octa Core chipset aate hain. Redmi Note 7 Pro, jo ki year ke starting mein announce hua, usmein humein Snapdragon 675, 14K ki starting price mein mila. Wahin Q4 mein launch huye Redmi Note 8 Pro mein 15K mein MediaTek G90T jaisa powerful chipset aaya. Iske alawa 21K ke price mein Redmi K20 mein Snapdragon 730 jaisa powerful chipset dekhne ko mila.

Year end aate aate, affordable to high-end Android phones ke performances mein humein kaafi improvement aur boost dekhne ko mila.

Display Quality

January 2019 se December 2019 ke beech phones ki display quality kaafi behtar aur smooth hui hai. Budget phones mein AMOLED aur Super AMOLED display aaye hain. OLED display bhi nazar aaye hain. Iske alawa HDR support bhi display mein milne lage hain. Saath hi display ke refresh rates bhi increase huye hain. Phones mein generally 60Hz refresh rate ke saath display aata hai. OnePlus 7 series ke sath 90Hz refresh rate displays ki shuruaat hui aur display quality mein kaafi antar nazar aaya. Haal hi mein announce huye Redmi K30 mein company ne 120Hz refresh rate ke saath display offer ki hai.

Image Credit: Android Police

Iske alawa ab mostly phones mein HD streaming bhi hum kar paate hain. Jyadatar phones ab DRML certification ke saath aate hain, jinse content streaming ki quality mein kaafi improvement nazar aaya hai hai.

Camera

Camera ka difference hum sabhi ke saamne hai, ya ye kahein ki camera technology mein is year mein kaafi bade changes dekhne ko mile hain.

Affordable phones mein 2018 tak dual rear cameras ka chalan tha, jabki is year mein 8K ke phone mein bhi aapko quad rear cameras milte hain, jaise ki Realme 5s. Iske alawa primary rear camera is year ke starting tak 48MP ka hi raha hai, jabki ab affordable handsets mein bhi aapko 64MP ka sensor milne laga hai.

Picture quality ki baat karein to, Quad pixel sensors ki help se kaafi acchi aur detailed pictures aapko milne lagi hain. Quad pixel sensors, four pixels ko milaakar ek kar dete hain, jisse 48MP ka camera aapko 12MP ki ek detailed picture deta hai, jo ki pehle aane waale 12MP sensors ke mukaable kaafi sharp aur clear hoti hai.

Iske alawa is year mein 5x zoom technology bhi aayi hai. Huawei P30 Pro mein aaye periscope lens bhi ek extreme advanced technology hai, jiski zoom capability kaafi jyada hai. Is periscope lens se click ki gayi image ko aap kitna bhi zoom karein, aapko detailed kaafi clearly nazar aayengi, jiska example aap neeche di gayi picture mein dekh sakte hain.

Front mein bhi notches ka end lagbhag ho chuka hai aur front camera ke liye pop-up camera trend bhi is year mein aakar almost chala gaya hai. Filhaal kaafi companies punch-hole cameras de rahi hain aur aage aane waale time mein front camera, display ke andar honge, jinhein in-display front camera ka naam diya gaya hai.

Software

Android phones mein software ko lekar bhi companies ne is year kaafi acche changes kiye hain. Samsung ka One UI ab aapko Samsung ke budget to affordable phones mein bhi nazar aane laga hai. Wahin Realme bhi Color OS 7 par kaafi samay se kaam kar raha hai aur jaldi hi ise naye improvements ke saath announce kar sakta hai.

ASUS ne bhi apni Zen UI ko lagbhag stock Android jaisa hi bana diya hai. Xiaomi ke MIUI mein users jahaan ads se pareshan hain, wo bhi uske liye appropriate changes kar raha hai.

Kaafi smartphone manufacturers ne India mein bhi ab apne R&D centers open kiye hain aur apne software mein wo Indian taste ke according customization karne ki taraf dhyaan de rahe hain.

Drawbacks (Kamiyaan)

In sabhi technologies se jahaan phones kaafi behtar ban rahe hain. Wahin kuch chote chote drawbacks bhi hain. Jaise ki phones ki prices bhi increase ho rahi hain.

OnePlus ke phones jahan 35-40K ke budget mein aate the, wahin ab inki price almost 60K tak pahunch gayi hai. Redmi ek affordable brand tha, lekin ab Redmi ke phones bhi 30K ki price range ko cross kar rahe hain.

Phones de design mein glass panel look ko kaafi badhaate hain, lekin inse weight bhi increase hota hai aur phone slippery bhi hota hai, jiske liye ab sabhi phones ke saath case ka istemaal zaroori hai.

Battery capacity ke saath phones ka weight bhi badh raha hai. Ab phones ka average weight 200 grams to hai hi.  

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: