2018 Mein Indian Smartphone Market Mein Rule Karne Waali Top 5 Companies; Xiaomi Bani No.1 Smartphone Seller

2018 ke four quarters mein, Xiaomi lagataar no.1 smartphone company rahi hai. Saath hi aaj IDC ki report se bhi ye saaf hai ki Xiaomi kaafi achhi progress kar rahi hai. IDC (International Data Corporation) ke haal hi mein saamne aaye Asia/Pacific Quarterly Mobile Phone Tracker se ye pata chalta hai ki Indian smartphone market ki Year-On-Year growth mein, sabse jyada share Xiaomi ka hi hai.

Smartphone industry mein 14.5% ki YoY growth hai, jismein Xiaomi 58.6% ke saath top par hai. IDC ki report mein Indian smartphone market ki details aur top 5 companies ka naam aap upar diye gayi tracker ki image mein dekh sakte hain.

Is data ke according, Xiaomi ne last year India mein 41.1 million smartphones sale kiye hain. Jabki Samsung ne 31.9 million, Vivo ke 14.2 million aur Oppo ke 10.2 million smartphones, Indian market mein sale huye.

Isi ke saath 2017 ke mukaable Xiaomi ka market share bhi 2018 mein kaafi increase hua hai. 2017 mein Xiaomi ka market share 20.9% tha, jabki 2018 mein India mein Xiaomi ka market share 28.9% tak badha hai. Wahin Samsung ka market share kam hua hai, jo 2017 mein 24.7% se kam hokar 2018 mein 22.4% reh gaya hai. Isi ke saath Oppo aur Vivo bhi India mein 7.2% aur 10.0% market share ke saath is top 5 ki list mein bane huye hain.

Wahin Chinese company Transsion, jo ki Infinix aur Techno jaise brands ki owner hai, wo bhi is top 5 list mein 5th number par 4.5% market share ke saath, apni jagah banaaye huye hai.

Well, 2018 ka graph to aapne dekh liya aur ab Xiaomi jaldi hi Redmi Note 7 ko launch karne waala hai, jo ki affordable range mein 48 MP camera ke saath launch hone waala first smartphone hoga. Well, is year mein Xiaomi kya kamal karta hai, ye to waqt hi bataayega, lekin is par aap kya sochte hain, comment section mein zaroor bataaiyega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: