Updated: 17th October Ko ASUS Lekar Aa Raha Hai New Series ke Smartphones; Two Budget Friendly Smartphones Ka India Mein Hoga Global Launch

Sabse pehle humein ye bataaiye ki aapko ASUS ke handsets kaise lagte hain?

Actually ASUS pichle kuch samay se behad interesting handsets launch kar raha hai. Pehle Zenfone Max Pro M1, uske baad affordable flagship Zenfone 5Z aur ab 17th October ko company phir se two smartphones launch karne jaa rahi hai.

Dekha jaaye to ASUS ke jin handsets ke naam humne upar bataaye hain, wo dono hi successful rahe hain. Aur ab sources se khabar ye aa rahi hai, ki ASUS coming Wednesday ko India mein two budget friendly smartphones launch karne jaa raha hai, aur ye ek nayi series ke smartphones honge.

ASUS ke in upcoming smartphones ka Zenfone Max Pro series se koi lene dena nahin hai aur naa hi ye Zenfone Max Pro M1 ke successor hain.

Well, aapke liye surprise yahaan par ye hai, ki ye dono smartphones sabse pehle India mein launch ho rahe hain. Agar aap company ke Twitter post par nazar daalein to yahaan saaf likha hai, “Global First Launch In India”. Halaanki ye khabar pakki hai ki ye dono handsets pocket friendly honge aur Flipkart exlcusive honge.

Lekin ye to kehna hi padega ki ASUS ne in dono smartphones ko bahut achhe se secret rakha hai aur abhi tak koi bhi specs ya images inke leak nahin huye hain. Mostly smartphones ke launch se pehle kayi rumors ya images leak ho hi jaate hain, ya unhein certification site par spot kar liya jaata hai. Lekin ASUS ke in upcoming smartphones ka naam tak abhi nahin pata chal saka hai aur market mein inki koi leak ya rumor bhi moujood nahin hai.

Well, agar hum inke specs ke baare mein discuss karein, to is year mein jo trending aur expected features hain wo hain, dual rear cameras aur notch display. Halaanki in-display fingerprint sensor bhi trendy hai, lekin wo sirf flagship handsets mein milta hai. To hum bhi yahi expect kar rahe hain ki ASUS ke in handsets mein mein notch display aur dual rear cameras diye jaa sakte hain aur ye dono smartphones Android 8.1 Oreo OS ke saath hi launch ho sakte hain.

Iske alawa inko lekar abhi koi bhi features saamne nahin aa saka hai, lekin koi baat nahin ! intezaar kewal kal ke din ka hai. 17th October ko launch ke saath hi hum detailed specs, price aur images aapke saath zaroor share karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: