17 June Ko Launch Hone Waale Nubia Red Magic 3 Ka Price Hua Flipkart Par Leak

ZTE Nubia ka gaming smartphone, Nubia Red Magic 3, 17th June ko India mein launch hone waala hai. Is smartphone ka global launch China mein ho chuka hai aur is month ye phone India mein Flipkart ke through enter hoga. Ji haan! Ye ek Flipkart exclusive device hoga, jiska teaser bhi is online marketplace par moujood hai.

Is smartphone ke sabhi features to hamaare saamne hain hi, lekin company ne specs ke saath, galti se Nubia Red Magic 3 ka price bhi list online list kar diya tha, jo ki jaldi hi hata liya gaya, lekin price launch se pehle saamne aa hi gayi.

Nubia Red Magic 3 ke 6GB RAM aur 128GB inbuilt storage variant ko site par 36,999 INR ke price ke saath list kiya gaya. Jabki agar hum is price par is smartphone ke specs dekhein, to waakyi ye ek attractive deal hogi.

Nubia Red Magic 3, ek gaming smartphone hai, jismein Snapdragon 855 chipset aur ye 18:9 display ke saath hi aayega. Ismein aapko 6.65 inch ki full HD+ AMOLED display, 90Hz refresh rate ke saath milti hai. Saath hi 240Hz touch refresh rate ke saath, ismein HDR 10 support bhi hai.

Iske alawa is gaming smartphone mein triple rear cameras, jinmein 48 MP ka primary camera hai diye gaye hain. Wahin 16 MP ka selfie camera, upper bezel par moujood hai.

Iske alawa is phone mein kuch specific gaming features bhi diye gaye hain. Nubia Red Magic 3 mein gaming ke dauraan aapke smartphone ko heating se bachaane ke liye second-generation ICE liquid cooling system aur ek fan fitted hai. Ismein 4D customizable vibrations di gayi hain. Ismein aapko diamond shaped fingerprint sensor diya gaya hai, jo games ke dauraan control button ke taur par use kiya jaa sakta hai.

Iske alawa is handset mein ek 6GB RAM ke saath 64GB ROM version bhi hai aur agar wo India mein launch hota hai, to uski price 36,999 INR se bhi kam hogi.

Well, ab company ise kis price par launch karti hai, ye to humein 17th June ko phone launch ke samay hi pata chalega.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: