16th October Ko, India Mein Launch Hoga Honor 8X: Saath Hi Honor Fan Fest Mein Honor 10 Jeetne Ka Milega Mauka

Ab Honor ne bhi Realme 2 Pro ko takaar dene ki taiyaari kar li hai. Halaanki hum apko Realme 2 Pro ke alternatives suggest kar chuke hain, lekin us list mein aap ek naam aur add kar sakte hain – Honor 8X.

Darasal, Huawei ke e-brand Honor ne last month China mein launch huye Honor 8X ko India mein launch karne ki taiyaari kar ki hai. Ye smartphone October 16 ko India mein enter hoga. China mein is smartphone ke three versions announce kiye gaye the – 4GB+64GB, 6GB+64GB aur 6GB+128GB aur starting price 1399 yuan (approx. 14,500 INR) raha. Lekin India mein iske kaun se version launch kiye jayenge, ye to launch ke samay hi pata chalega.

Honor 8X mein 6.5 inch ki full HD+ display, 19.5:9 aspect ratio ke saath di gayi hai. Saath hi ismein Octa Core Kirin 710 12nm processor moujood hai. Ye smartphone Android 8.1 Oreo par chalta hai aur is par custom UI EMUI 8.2 diya gaya hai.

Is dual SIM based smartphone mein aapko 20 MP primary rear camera f/1.8 aperture aur LED flash light ke saath milta hai, saath hi 2 MP ka secondary snapper bhi diya gaya hai. Ismein 16 MP ka front facing camera bhi moujood hai aur battery capacity 3750mAh hai.

Isi ke saath ismein aapko dual 4G VoLTE support milta hai, yaani ki aap dono SIM slots mein 4G SIM ka istemaal kar sakte hain. Iske alawa rear mounted fingerprint scanner bhi moujood hai aur aap ise Black aur Blue color options mein kharid sakte hain.

Ummid hai ki company is smartphone ko New Delhi mein launch kar sakti hai, kyunki 16th October ko company ne apne fans ke liye New Delhi mein first Smash Honor Fan Fest Egg contest ki announcement ki hai, jismein aap Honor Play aur Honor 10 jaise smartphones ko bhi jeet sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: