16th October Ko Announce Hoga Nokia X7 (7.1 Plus); Sabhi Specs Leak Huye

Nokia 7.1 ke baad, ab company Nokia X7 (7.1 Plus) announce karne jaa rahi hai. Company ne abhi abhi iske China launch event ke invites roll out kiye hain. HMD Global ne China mein 16th October ko ek launch event announce kiya hai, jismein Nokia X7 ko launch kiya jayega.

Company ne iska jo teaser share kiya hai, usmein Zeiss optics dwara dual rear cameras dikhaaye gaye hain aur saath hi kuch photos bhi share ki gayi hai, jo ye bataati hain ki is smartphone se aapko ek behtar photography experience milne wala hai.

 

Isse pehle Nokia X7 ko TENNA certification site par bhi dekha gaya hai, jahaan se iske kuch specs saamne aaye hain. Nokia X7 mein 6.18 inch ki full HD+ display, 19:9 aspect ratio ke saath milne waali hai. Is smartphone mein latest chispet Octa Core Qualcomm Snapdragon 710 processor hoga.

Iske alawa expect kiya jaa raha hai ki Nokia X7 mein 12 MP ka primary rear camera aur 13 MP ka secondary rear shooter diya gaya hai. Saath hi 20 MP ka frontal camera bhi moujood hai. Images se ye bhi pata chalta hai ki ismein rear mounted fingerprint scanner milega aur 3400mAh ki battery capacity hone ki ummid hai.

Jaise ki iska predecessor tha, Nokia X7 aka Nokia 7.1 Plus bhi ek Android One smartphone hi hoga. Ismein aapko dual 4G VoLTE support aur hybrid dual SIM connectivity milne ki ummid hai.

Confirm specs ke liye, zaahir hai ki launch tak ka intezaar karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: