16th January Ko 10x Optical Zoom Technology Introduce Karega Oppo

Chinese smartphone company, Oppo apne camera phones ke liye jaani jaati hai. 2017 mein Oppo ne hi 5x optical zoom technology introduce ki thi aur ab company ne 16th January 2019 ke liye ek media event schedule kiya hai, jismein ye 10x optical zoom technology ko duniya ke saamne introduce karne waali hai.

Design, drafts aur leaks ke through, ye saamne aaya hai ki optical zoom ke liye jo lens assembly chahiye, wo kaafi area cover karti hai, aur agar use smartphone mein usual tareeke se lagaaya jayega, to phone kaafi thick ho jayega. Isiliye Oppo apni 10x optical zoom technology mein is assembly ko phone mein leta kar periscope structure mein fit karega, jisse image object se aane waalu light ek prism ke through reflect hokar lens assembly ke through chali jayegi. Saath hi in leaks ke through smartphones ke liye triple rear camera setup hone ki baat bhi saamne aayi hai.

Haal hi mein Sina Technology ne bhi OPPO Imaging Laboratory ke head ka ek interview liye, jismein kuch multi-zoom technology ke patents ki baat bhi saamne aayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: