15th October Ko Mi MIX 3 Ke Saath Launch Ho Sakta Hai Mi Note 4; Ye Features Reveal Ho Chuke Hain

Xiaomi jaldi hi Mi MIX 3 ko China mein launch kar sakta hai, ye khabar rumors mein kaafi samay se hai. Lekin nayi reports ye bhi bata rahi hain, ki company isi ke saath Mi Note 4 ko bhi launch kar sakti hai. Is launch ki date abhi tak confirm nahin hai, lekin ummid hai ki kal tak company khud launch date announce kar sakti hai.

Darasal, Xiaomi ne apne Weibo account par ye confirm kiya hai, ki kal wo kuch announce karne waale hain, aur expected hai ki in dono smartphones ki launch date ki announcement ho sakti hai.

Filhaal Mi MIX 3 ki official image se ye to saaf ho gaya hai ki ismein bhi Oppo Find X ki tarah, slider mechanism hoga, jismein cameras fit kiye jayenge. Ye ek flagship smartphone hoga, to umid hai ki Snapdragon 845 chipset ke saath aayega. Saath hi ismein in-display fingerprint scanner bhi aa sakta hai.

Mi MIX 3 mein 6GB aur 8GB ke RAM options aur 128GB / 256GB ke storage options aane ki ummid hai.

Well, iske alawa Weibo par hi ek aur poster bhi leak hua, jismein likhi hui Chinese ko translate karein to usak meaning nikalta hai – ‘Do not call LEX, mu name is Mi Note 4”, iska seedha matlab yahi hai, ki itne samay se jo smartphone rumors mein hai, wo Mi Note 4 ho sakta hai aur uska codename LEX hai.

Another leaked report ke according Mi MIX 3 aur Mi Note 4 ko China ke Nanjing, Jiangsu Province mein 15th October ko launch kiya jaa sakta hai. Aur maana jaa raha hai ki Mi Note 4 mein latest mid-range chipset Snapdragon 710 aa sakta hai.

Saath hi ye bhi khabar hai ki in dono smartphones mein Xiaomi ka apna ‘Xiao AI’ AI dedicated button diya jaayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: