Realme 3i Smartphone Ka Teaser Out, Issi Month Realme X Ke Saath Hoga Launch

Realme next week India mein Realme X smartphone ko launch karne wala hai. Realme India ke head Madhav Seth ne tweet ke jariye bataya ki company iss phone ke saath ek aur phone ko launch kar sakti hai. Wahin dusri taraf Flipkart par live huye page par iss phone ka naam reveal kar diya gaya hai. 15th July ko Realme X smartphone ke saath Realme 3i smartphone bhi launch kiya jaa sakta hai.

 

Flipkart par phone ke specs ke baare mein koi jaankari nahi di gayi hai lekin teaser mein iss phone ko Smartphone Ka Champion tag line ke saath mention kiya gaya hai. Saath hi yeh bhi bataya gaya hai ki yeh phone battery champion, stylish champion, display champion aur camera champion hoga. Inn sabhi hints se expect kiya jaa raha hai ki phone mein badi battery, bhadiya display aur bhadiya camera dekhne ko mil sakta hai, saath hi yeh phone kaafi stylish bhi ho sakta hai.

Maana jaa raha ahi ki yeh phone Realme 3 ka hi lower variants ho sakta hai. Flipkart ke notify page par ek sketch image ke andar yeh sabhi specs mention kiye gaye hain. Yeh sketch image ek phone ki hai, jismein water drop notch dikhai de rahi hai, jis se expect kiya jaa raha hai ki Realme 3i mein humein water drop notch display dekhne ko mil sakti hai.

Iske alawa agar baat karein Realme 3 ki to iss phone ko company ne India mein March mein launch kiya tha. Realme 3 mein humein 6.2 inch ki HD+ display, water drop notch ke saath di gayi thi. Iske alawa phone mein Octa Core MediaTek Helio P70 12nm processor ko use kiya gaya hai jo ki 900MHz ARM Mali-G72 MP3 GPU ke saath aata hai. Phone mein 13MP+2MP ka rear dual camera setup aapko milta hai, issi ke saath front facing camera bhi 13MP ka diya gaya hai. Iske alawa yeh phone 4230mAh ki battery ke saath aata hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: