15 Saal Ke Intezaar Ke Baad Aam Janta Ke Liye Open Hua Signature Bridge, CM Arvind Kejriwal Ne Kiya Inauguration

15 Saal ke intejaar ke baad finally kal Delhi mein Yamuna river ke upar Signature Bridge ka inauguration Delhi ke Chief Minister Arvind Kejriwal ke dwara kiya gaya. Iss bridge ke project ko banane ki permission uss samay di gayi thi jab Delhi ki Chief Minister Smt. Sheela Dikshit thi. Kaafi samay se paresaani aur rukawat ke baad kal shaam iss bridge ko aam janta ka liye khol diya gaya. Height ki baat ki jaaye to yeh bridge Kutub Minaar se doguni height mein banaya gaya hai.

Yamuna River ke upar bana yeh bridge North Delhi aur North East Delhi ko aapas mein jodne ka kaam karega, sath hi iss bridge ki wajah se Wazirabad bridge ka traffic bhi kam ho jaaega. Iske alawa North Delhi aur North East Delhi ko aapas mein jodne ki wajah se kaafi samay ki bachat bhi hogi.

 

 

Signature Bridge ki total height 154 metre hai jise 19 stay cables ki help se hold kiya gaya hai. Iss bridge ki total length 575 metre hai. Delhi Public Work Department (PWD) ke under mein iss project ko Delhi Tourism and Transport Corporation (DTTDC) ke dwara total Rs 1,518.37 Crore ke investment mein banaya gaya hai.

Namaste shape ki design mein banaya gaya yeh bridge, aane waale samay mein ek bhadiya tousirst place bhi kaha jaa sakta hai. 50 logon ko elevator ke through bridge ke top par le jaane ki shubidha bhi yaha di gayi hai, jo aapko panoramic view mein selfie shot lene ka khoobsoorat mauka deti hai.

Delhi ke traffic ko face karne wale logon ke liye yeh bridge kaafi helpful saabit hoga. Jo ki wazirabad, Bhajanpura, Mukharjee nagar, Khajuri Khaas aur Ghaziabad se connect hone wale traffic ko kam karega. Diwali ke baad iss bridge ko ek mahine ke liye 11 pm se 5 am tak band rakha jaaega jisse ki iske top par glass work ko complete kiya jaa sake.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: