Next Week India Mein Launch Hone Waale Samsung Galaxy A80 Ki India Price Leak Hui

Samsung Galaxy A80, jo ki pichle kaafi samay se apne rotating cameras ko lekar charcha mein hai, jaldi hi India mein launch hone jaa raha hai. Halaanki is smartphone ka global launch April mein ho chuka hai aur India mein is smartphone ko next week launch kiya jayega. Lekin launch se ek week pehle hi is smartphone ki India price reveal ho chuki hai.

Phoneradar ki report ke according, company Galaxy A80 ko India mein 39,990 INR ke price par launch karne waali hai.

ALSO READ: Launch Se Pehle Samsung Galaxy M40 Smartphone Ke Sabhi Specs Aaye Saamne

Specs ki baat karein to, Galaxy A80 mein 6.7 inch ki full HD+ AMOLED Infinity display milne waali hai. Saath hi ye company ka first smartphone hai, jismein haal hi mein launch hua Snapdragon 730G chipset hoga. Ye phone aapko Android 9.0 Pie OS par based One UI ke saath milne waala hai.

Maana jaa raha hai ki India mein is handset ko two storage options mein release kiya jayega, jinmein se ek 8GB RAM aur 128GB storage ke saath aayega. Wahin iski battery capacity 3700mAh ki hogi aur aapko ismein fast charging option bhi milne waala hai.

Iske alawa Galaxy A80 mein 48 MP ka primary camera, 8 MP ka 120 degree ultra wide angle lens aur ToF camera milta hai, yahaan par sabse achhi cheez yahi hai ki aapko selfies click karne ke liye bhi triple cameras hi mil rahe hain. Ise aap Phantom Black, Ghost White aur Angel Gold colors mein dekh payenge.

Well, price to saamne aa gayi hai, lekin ab ye kitni accurate hai, ye to humein launch ke samay hi pata chal payega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: