11th December Ko Announce Hoga ASUS Ka Gaming Smartphone Zenfone Max Pro M2; Specs Aur Expected Price Reveal Hui

Redmi Note 6 Pro ka India launch isi month hone wala hai, lekin launch se pehle hi Xiaomi ke is smartphone ko takkar dene waale smartphone ke launch ki news bhi saamne aa rahi hai. Hum baat kar rahe hain, successful phone Zenfone Max Pro M1 ke successor ki. Aap sahi padh rahe hain ! ASUS ka Zenfone Max Pro M2, December 11, 2018 ko launch hone jaa raha hai.

Zenfone Max Pro M2 ke global launch event ke media invites bhi saamne aa chuke hain. Sabse pehle company ise Indonesia mein announce karne jaa rahi hai. Aur ummid hai ki ye bhi Redmi Note 6 Pro ke price range mein hi saamne aayega.

In sabse behtar news ye bhi hai, ki Zenfone Max Pro M2 ek budget gaming smartphone hoga. Jee haan ! company is smartphone ko ek gaming smartphone ke taur par launch kar rahi hai.

Well, Indonesia ke kuch samay baad hi ye India mein launch kiya jaa sakta hai, lekin launch date ki information aani abhi baaki hai.

Aaiye iske rumored specs ki taraf daaltein hain ek nazar.

Zenfone Max Pro M2 mein triple rear cameras aane waale hain. Saath hi ye ek gaming smartphone hoga, isiliye ismein aapko gaming focused software features dekhne ko milenge. Is smartphone mein 6.3 inch ki full HD+ display, 19:9 aspect ratio ke saath aa sakti hai. Iske alawa ismein aapko Octa Core Qualcomm Snapdragon 660 AIE processor milega.

Storage options ki baat karein to, Zenfone Max Pro M2 mein aap 4GB RAM ke saath 64GB internal storage variant bhi dekhenge aur 6GB RAM ke saath 128GB version bhi is smartphone mein launch kiya jayega.

Saath hi agar aap Roland Quandt ke twitter post par gaur karein, to India mein Zenfone Max Pro M2 ke saath ek aur smartphone bhi launch kiya jaa sakta hai, jo ki iska cheaper version hoga.

Xiaomi ka Redmi Note 6 Pro, jo ki India mein November 22, 2018 ko launch hone waala hai. Uski kimat lagbhag 15,000 se 17,000 INR ho sakti hai. Wahin ASUS ka ye affordable gaming smartphone bhi isi range mein aane ki ummid hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: