11th October ko India Mein Launch Ho Sakte Hain Two Nokia Smartphones, HMD Global Ne Invites Bheje

HMD Global, jaldi hi India mein new smartphones launch karne jaa raha hai, jiske liye launch event ke invites bhi bheje jaa chuke hain. Ye launch event 11th October, 2018 ko hoga, halaanki company ne ye confirm nahin kiya hai ki kaun se products India mein launch hone jaa rahe hain. Lekin rumors ki maanein to Nokia 7.1 aur Nokia 7.1 Plus ko India mein entry mil sakti hai.

Rumors ye bhi hain, ki in smartphones ka Global launch isi week 4th October ko ho sakta hai, jiske baad inhein Indian market mein introduce kiya jayega.

Aaiye ab in smartphones ke expected specifications ki charcha karte hain:

Nokia 7.1 normal full view display ke saath aa sakta hai, wahin Nokia 7.1 Plus mein notch display aane ki ummid hai. Leaks ka kehna hai ki in dono smartphones mein latest mid-range chipset Snapdragon 710 aayega, wahin Nokia 7.1 mein 4GB RAM ke saath 64GB native storage aa sakti hai. Nokia 7.1 Plus mein isse jyada storage milne ki ummid hai – 6GB+128GB storage.

Nokia 7.1 mein 6 inch ki display aa sakta hai, jabki Plus variant (Nokia 7.1 Plus) mein display ka size aur battery dono hi, Nokia 7.1 ke comparison mein badi hongi.

Ye dono smartphones Google ke Android one Programme ke under launch kiye jaa sakte hain, to ummid hai ki inmein aapko android 9.0 Pie software mil jaaye.

Iske alawa in dono smartphones ke specs abhi confirm nahin hai, lekin ummid hai ki isi week launch event ho sakta hai, jiske baad, detailed features hum aapke saath zaroor share karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: