10.2 Inch Retina Display Ke Saath Launch Hua Seventh Generation Apple iPad

Apple ne kal apne Apple event mein iPhone 11 series smartphone ke saath saath naye seventh generation iPad ko bhi launch kiya hai. Yeh iPad behtar display aur improved user interface ke saath aata hai. Yeh iPad full size smart keyboard ko support karta hai, isi ke saath aapko iss iPad mein Apple Pencil ka support bhi diya gaya hai.

Iss iPad mein 10.2 inch ki retina display di gayi hai, jiska screen resolution 2160 x 1620 Pixels hai. Phone mein A10 Fusion chipset ka use kiya gaya hai. Iske alawa ismein aapko M10 motion co-processor bhi milta hai. iPad ke home button mein aapko touch ID ka support milta hai. Yeh iPad iOS 13 par kaam karta hai.

Also Read : iPhone 11, 11 Pro Aur 11 Max Ke Sabhi Variants Ki India Price Announce 

Photography aur video calling ke liye aapko iss iPad mein rear side par 8MP (f/2.4 aperture) ka camera aur front side par 1.2MP (f/2.2 aperture) ka camera diya gaya ahai. iPad mein diye gaye rear camera mein Hybrid IR filter use kiya gaya hai. Iske alawa front facing camera mein aapko retina flash milta hai. Audio output ke liye iss iPad mein stereo speakers milte hain.

iPad ki body ko 100% recyclable Aluminum metal se banaya hai, jo ise kaafi durable bhi banata hai. iPad ke saath aane wali Apple Pencil ise use karne mein aur bhi easy bana deti hai. Apple Pencil ke bottom corner se simply swipe karne par aapko document open karne ke liye shortcut milta hai. Iske alawa home page ko kaafi easy design kiya gaya hai, isi ke saath aapko redesigned tool pallate bhi milta hai. Connectivity ke liye aapko iss iPad mein 4G LTE (optional), dual band Wi‑Fi 802.11 ac , Bluetooth 4.2 ka support mil jaata hai.

Iss iPad mein aapko 32.4-watt hour rechargeable lithium-polymer battery di gayi hai. Yeh iPad Silver, Grey aur Gold color mein launch kiya gaya hai, jismein aapko 32GB aur 128GB  storage variants diye gaye hain. Yeh iPad US ke saath saath 25 others countries mein aaj se pre-order ke liye available hai. Iski sale 30th September se shuru ki jaayegi, saath hi yeh same date se offline authorized stores mein bhi sale ke liye available hoga. Iss iPad mein aapko Wi-Fi+LTE aur Wi-Fi models milenge, inki price aap neeche dekh sakte hain. India mein yeh iPad jaldi hi sale ke liye available hoga.

  • iPad 32GB (Wi-Fi) – Rs 29,900
  • iPad 128GB (Wi-Fi) – Rs 37,900
  • iPad 32GB (Wi-Fi+LTE) – Rs 40,900
  • iPad 128GB (Wi-Fi+LTE) – Rs 48,900

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: