Xiaomi waise to ek Chinese brand hai, lekin aggressive price par, best features ke saath smartphones launch karne ke liye jaani jaati hai. Isiliye India mein ise behad achha response mila hai. Xiaomi ke products, India mein seconds mein out of stock ho jaate hain.
Filhaal aap bhi bataaiye kya aap bhi Xiaomi smartphones ke fan hain?
Dekha jaaye to jyadatar Indians mein Xiaomi favorite hai aur aaj ye baat prove bhi ho gayi hai.
IDC ki Q2 report ke according, Xiaomi 29.7% share ke saath India ka No.1 brand. Q3 2017 to Q2 2018 tak Xiaomi pichle 4 quarters se India mein No. 1 ki position par hai. Iske baad Samsung aata hai aur phir Vivo aur Oppo.
#Xiaomi continues to be the #1SmartphoneBrand in India for the 4th consecutive quarter! one year of market dominance! 💪@IDC's Q2 report: @XiaomiIndia was once again #1 smartphone brand in India with 29.7% share. ~1 out of 3 smartphones sold in India are Xiaomi devices. (1/4) pic.twitter.com/60xEJ04p6b
— Manu Kumar Jain (@manukumarjain) August 13, 2018
Aur kya aap jaante hain ki, 1 year tak India ke smartphone market mein No.1 ki position hold karne ki khushi mein company ne ek anokha record banaaya hai.
Kya aap jaante hain ki ye kya hai?
Darasal, 4 quarters se no.1 bane rehne ki khushi mein company ne apne Bengaluru Head Office mein world ka largest light mosaic (logo) create kiya hai. Isi ke saath ye company Guinness World Record mein bhi shaamil ho gayi hai. Is largest light mosaic mein 9590 bulbs lage hain aur ye temporary nahin hai, balki ise permanently install kiya gaya hai.
Is light mosaic ko glass dwara cover kiya jayega, jis par log aaram se khade bhi ho sakenge.
Aaiye neeche dekhte hain is light mosaic ki kuch tasveerein-
