1 Nahin, Balki Xiaomi Kal 2 Smartphones Launch Karega, Redmi Note 5 Pro Ke Sabhi Specifications Leak Huye

Xiaomi ke kal India mein hone waale launch event ko lekar ek aur badi khabar ye hai ki ye company kal Mi TV 4 aur Redmi Note 5 ke saath Redmi Note 5 Pro bhi launch kar sakti hai. Smartprix blog ke according Redmi Note 5 Pro ki poori specs sheet Twitter par leak ho chuki hai.

Redmi Note 5 Pro mein 5.99 inch ki full HD+ full view display hai jo 2160 x 1080 pixels resolution ke saath aayegi, saath hi screen par 2.5D curved glass bhi moujood hoga. Ismein 450 nit brightness aur 83 percent color gamut hoga. Redmi Note 5 Pro dual rear camera setup ke saath ayega jismein 12 MP ka primary camera aur 5 MP ka secondary camera hoga jo f/2.0 aur f/2.2 aperture aur Led flash light ke saath aayenge.

Redmi Note 5 Pro mein 20MP ka selfie shooter moujood hai jismein Sony IMX376 lens, beautify 4.0 mode aur selfie flash light di gayi hai. Is handset mein rear panel par fingerprint scanner diya gaya hai aur ye Android 7.1 Nougat ke saath aayega jis par MIUI 9 skin moujood hogi.

Redmi Note 5 Pro 1.8 GHz Octa Core Snapdragon 636 processor par chalega jiske saath Adreno 506 GPU bhi moujood hoga. Ise aap 3 variants mein kharid sakenge jismein pehla 3GB RAM aur 32GB internal memory ke saath aayega, doosra 4GB RAM aur 64GB inbuilt storage ke saath aayega aur teesra 6GB ki RAM aur 64GB ROM kr saath market mein available hoga.

Hybrid dual SIM slot ke saath aane waale is handset mein 4000mAh ki badi battery di gayi hai jisko charge karne ke liye 5V / 2amp ka charger bhi saath aayega. Halaanki ismein koi fast charging support nahin diya gaya hai. Is smartphone ka weight 181 grams hai aur ye 8.05mm thick hai.

Halaanki Redmi Note 5 Pro ke price ka koi idea nahin hai, lekin agar affordable price mein aapko ye smartphone itne amazing features ke saath milta hai to yakinan ye ek best Valentine gift bhi ban sakta hai.

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: